Endi jeńildigi bar azamattar sanattaryna qujattaý termınaly arqyly tólqujat pen jeke kýálikti alýǵa ótinish berý tegin bolady. Bul joba Memlekettik korporasıa men QR İshki ister mınıstrliginiń birlesýiniń nátıjesinde iske asyryldy, dep habarlaıdy Almaty-akshamy.kz.
Buryn olar qujattar alý úshin tek HQKO operatory arqyly ótinish berip, memlekettik baj salyǵyn tólemeıtin.
Azamattar qujattaý termınaly arqyly tólqujat pen jeke kýálikke ótinish bere alady. Sondaı-aq, termınal arqyly qyzmet alýshylar óziniń sátti túsken sýretin tańdaý múmkindigi bar. Odan keıin júıede memlekettik bajdy QR kody boıynsha tóleýge bolady. Jeńildigi bar azamattar sanatyna aqy tóleý úshin QR kody kórsetilmeıdi.
Memlekettik bajdy tóleýden bosatylǵan azamattar tizimine kelesi sanattar kiredi:
- Keńes Odaǵynyń Batyrlaryna, Sosıalısik Eńbek Erleri;
- Úsh dárejeli Dańq jáne úsh dárejeli Eńbek Dańqy, «Altyn Qyran», «Otan» ordenderimen nagradtalǵan, «Halyq qaharmany», «Qazaqstannyń Eńbek Eri» ataqtaryna ıe bolǵan adamdar;
- «Batyr ana» ataǵyn alǵan, «Altyn alqa», «Kúmis alqa» alqalarymen nagradtalǵan kóp balaly analar;
- UOS ardagerleri jáne olarǵa teńestirilgen tulǵalar;
- múgedektigi bar adamdar, sondaı-aq, múgedektigi bar balanyń ata-anasynyń birine;
- qarttar men múgedektigi bar adamdarǵa arnalǵan jalpy úlgidegi medısınalyq-áleýmettik mekemelerde turatyn qarttar, jetim balalar jáne ata-anasynyń qamqorlyǵynsyz qalǵan, tolyq memlekettik qamtamasyz etýdegi, balalar úılerinde jáne (nemese) ınternattarda turatyn balalar;
- Chernobyl apatynyń saldarynan zardap shekken azamattar.
Aıta keteıik, 2023 jyly tólqujat alý úshin memlekettik bajdyń quny 27 600 teńgeni, jeke kýálik úshin – 690 teńgeni quraıdy.
Esterińizge sala keteıik, qujattaý termınaldary Astanadaǵy Kereı Jánibek handar kóshesi, 4 mekenjaıyndaǵy HQKO-da jáne Almatydaǵy Markov kóshesi, 44 mekenjaıyndaǵy HQKO-da ornalasqan. Búgingi tańda qujattaý termınaldary arqyly 5000-ǵa jýyq ótinish qabyldanǵan.