15 Tamyzda salyq eseptiligi nysandaryn tapsyrý merzimi aıaqtalýǵa jaqyn. Almaty qalasy boıynsha Memlekettik kirister departamentiniń ókilderi Óńirlik komýnıkasıalar qyzmetiniń brıfıńinde sóılegen sózinde salyq tóleýshilerge kórsetilgen merzimde qandaı nysanda usyný kerektigin aıtty, dep habarlaıdy Almaty-akshamy.kz.
Esepti «Salyq tóleýshiniń kabıneti» veb-qosymshasy arqyly usynýǵa bolady (cabinet.salyk.kz), qaǵaz túrinde, sondaı-aq eSalyq Business, Halyk Bank mobıldi qosymshalarynyń kómegimen júzege asyrylady.
«Salyq tóleýshiler taýarlardy ákelý jáne janama salyqtardy tóleý týraly ótinishti qospaǵanda, elektrondyq nysanda tabys etilgen jaǵdaıda salyq eseptiligin tabys etý merzimin uzartýǵa quqyly. Budan basqa, arnaýly salyq rejımderin qoldanatyn jeke kásipkerden basqa, táýekelderdi basqarý júıesi boıynsha táýekelderdiń joǵary deńgeıi bar salyq tóleýshige qatysty salyq eseptiligin tabys etý merzimi uzartylmaıdy. Salyq tóleýshiniń sonymen birge, qyzmetti toqtata turýdy resimdeı alatyn zańdy múmkindigi bar», - dedi Almaty qalasy boıynsha Memlekettik kirister departamenti memlekettik qyzmetter basqarmasynyń basshysy Baqtygúl Seıtova.
200.00 úlgisi- «Jeke tabys salyǵy jáne áleýmettik salyq boıynsha deklarasıa» nysany salyq agentiniń ornalasqan jeri boıynsha salyq organdaryna elektrondyq túrde veb-qosymsha arqyly toqsan saıyn esepti kezeńnen keıingi ekinshi aıdyń 15-kúninen keshiktirilmeı beriledi.
910.00 úlgisi - «Shaǵyn bıznes sýbektileri úshin jeńildetilgen deklarasıa» nysany salyq tóleýshiniń ornalasqan jeri boıynsha salyq organyna esepti salyq kezeńinen keıingi ekinshi aıdyń 15-kúninen keshiktirilmeı tabys etiledi. Ońaılatylǵan deklarasıa negizinde arnaıy salyq rejımin qoldanýǵa arnalǵan salyq kezeńi jartyjyldyq bolyp tabylady. Shaǵyn bıznes sýbektileri úshin ońaılatylǵan deklarasıany ońaılatylǵan deklarasıa negizinde arnaıy salyq rejımin qoldanatyn shaǵyn bıznes sýbektileri, zańdy tulǵalar jáne jeke kásipkerler jasaıdy.
300.00 úlgisi – «Qosylǵan qun salyǵy boıynsha Deklarasıa» nysany esepti salyq kezeńinen keıingi ekinshi aıdyń 15-kúninen keshiktirmeı árbir salyq kezeńi úshin ornalasqan jeri boıynsha salyq organyna tabys etiledi. Qosylǵan qun salyǵy boıynsha salyq kezeńi kúntizbelik toqsan bolyp tabylady.
913.00 úlgisi - «Bólshek salyqtyń arnaýly salyq rejımin qoldanatyn salyq tóleýshiler úshin Deklarasıa» nysany salyq agentiniń ornalasqan jeri boıynsha salyq organdaryna elektrondyq túrde KNP arqyly toqsan saıyn esepti kezeńnen keıingi ekinshi aıdyń 15-kúninen keshiktirilmeı tabys etiledi.
Sondaı-aq, salyq tóleýshilerdiń salyq eseptiligin tabys etý merzimin deklarasıany tabys etý úshin belgilengen merzimnen bastap kúntizbelik on bes kúnnen aspaıtyn merzimge uzartýǵa quqyǵy bar.
«Bul rette, arnaýly salyq rejımderin qoldanatyn dara kásipkerdi qospaǵanda, táýekelderdi basqarý júıesi boıynsha táýekelderdiń joǵary deńgeıi bar salyq tóleýshige (salyq agentine) qatysty salyq eseptiligin tabys etý merzimi uzartylmaıdy. Táýekelderdi basqarý júıesi boıynsha táýekel deńgeıi tómen salyq tóleýshiler úshin salyq eseptiligin berý merzimi salyqtyń ózge túrleri, búdjetke tólenetin tólemder, áleýmettik tólemder boıynsha deklarasıany usyný úshin belgilengen merzimnen bastap kúntizbelik otyz kúnnen aspaıtyn kezeńge uzartylady», - dep atap ótti B.Seıitova.
Sondaı-aq, departament «ákimshilik quqyq buzýshylyq týraly» QR Kodeksine sáıkes salyq eseptiligi usynylmaǵan jaǵdaıda ákimshilik jaýapkershilik qarastyrylǵanyn eske saldy.
Salyq eseptiligi men olardy usyný úlgileri týraly tolyq aqparatty departament saıtynda jáne @mkdalmaty_dgdalmaty áleýmettik jelilerinde, sondaı-aq 1414/3 nómiri boıynsha bilýge bolady.