Almaty qalalyq polısıa departamentinde "Sotqa deıingi tergep-tekserý satysyndaǵy sot saraptamalaryn taǵaıyndaý jáne óndirý kezindegi problemalyq máseleler" taqyrybynda dóńgelek ústel uıymdastyryldy.
İs-sharaǵa aýdandyq polısıa bólimsheleriniń tergeýshileri, anyqtaýshylary men sot sarapshylary qatysyp, ózara tájirıbe almasty, dep habarlaıdy aqshamnews.kz Polisia.kz-ke silteme jasap.
Keńes Ońtústik - Shyǵys óńiri boıynsha Óńiraralyq sot saraptamasy ortalyǵynyń jáne "QR ÁM FRGKP OKQ" uıymynyń qoldaýymen ótkizildi. Kezdesý barysynda polısıa qyzmetkerlerine jańa túrdegi saraptamalar týraly aqparat berildi.
Sonymen qatar qosymsha jáne keshendi sot saraptamalaryn taǵaıyndaý, sot-medısınalyq saraptama júrgizý kezinde joǵary bilikti mamandardy tartý qajettiligi, sondaı-aq taǵaıyndalǵan saraptamalar boıynsha sarapshylardyń ótinishterin qaraý merzimderi men tártibi sıaqty máseleler talqylandy. Bul jumys keńesi sot saraptamalaryn tıimdi júrgizý jáne tergeý jumystarynyń sapasyn arttyrýǵa baǵyttalǵan naqty usynystar men sheshimder usyndy.