2025 jyldyń 13–31 qazan aralyǵynda Almaty qalasynda ekologıa jáne taza aýa taqyrybyna arnalǵan «Taza aýa – bizdiń bolashaǵymyz!» / «Chıstyı vozdýh – nashe býdýshee!» shyǵarmashylyq baıqaýy ótedi.
Baıqaýdyń maqsaty – oqýshylar men olardyń otbasylarynyń nazaryn qorshaǵan ortany qorǵaý máselelerine aýdarý jáne Almaty Taza Aua jobasyn qoldaý, - dep habarlaıdy Aqshamnews.kz.
Baıqaý eki nomınasıa boıynsha ótedi:
• 1–6 synyp oqýshylary úshin — sýret salý;
• 7–11 synyp oqýshylary úshin — esse jazý.
Jumystar elektrondy túrde (foto nemese skan túrinde) myna elektrondyq poshtaǵa qabyldanady: almatytazaaua@gmail.com
Hatta qatysýshynyń aty-jóni, mektebi jáne synyby kórsetilýi tıis.
Barlyq jumystar jobanyń Instagram paraqshasynda jarıalanady: @Almaty_Taza_Aua.
Jeńimpazdardy qazylar alqasy anyqtaıdy. Qazylar quramynda bilim basqarmasy, Almaty Taza Aua jobasy, pedagogıkalyq qaýymdastyq jáne ekologıalyq uıymdardyń ókilderi bolady.
Eń úzdik jumystar mektepterde jáne qaladaǵy ashyq alańdarda kórmege qoıylady. Baıqaý nátıjeleri bıylǵy jyldyń 3 qarashasynda jarıalanady.
Almaty Taza Aua jobasynyń maqsaty – megapolıstegi aýa sapasyna sanaly kózqaras pen ekologıalyq ómir saltyn nasıhattaý.