Otyrysqa aýdan ákimderi, memlekettik jáne quqyq qorǵaý organdarynyń, kvazımemlekettik sektordyń basshylary jáne qoǵam ókilderi qatysty.
Almaty qalasy ákiminiń orynbasary Asqar Ámrınniń tóraǵalyǵymen sybaılas jemqorlyqqa qarsy is-qımyl máseleleri jónindegi qalalyq komısıanyń kezekten tys keńeıtilgen otyrysy ótti, dep habarlaıdy Almaty-akshamy.kz
Óziniń sózinde Asqar Ámrın sybaılas jemqorlyqqa der kezinde jáne úılestirilgen is-qımyl arqyly tıimdi qarsy turýǵa bolatynyn atap ótti.
«Memleket basshysy bekitken Qazaqstan Respýblıkasynyń sybaılas jemqorlyqqa qarsy saıasatynyń tujyrymdamasyn iske asyrý aıasyndasybaılas jemqorlyqqa qarsy mádenıetti qalyptastyrý, sybaılas jemqorlyqqa qarsy is - qımylǵa múddeli jáne belsendi bolý jáne sybaılas jemqorlyqqa qarsy is-qımylǵa baǵyttalǵan aldyn alý sharalarynyń basymdyǵyn qamtamasyz etý qajet», - dedi qala ákiminiń orynbasary Asqar Ámrın.
Qazaqstan Respýblıkasy Sybaılas jemqorlyqqa qarsy is-qımyl agenttigi prevensıa qyzmetiniń basshysy Saıan Ahmetjanov óziniń baıandamasynda sybaılas jemqorlyq táýekelderiniń kartasy ázirlengenin, oǵan eldiń árbir óńiriniń eń ózekti máseleleri engizilgenin atap ótti.
Kartada prosesterdiń ashyq emestigi, ákimshilik kedergilerdiń bolýy, zańnamanyń jetildirilmeýi, sybaılas jemqorlyq táýekelderine baılanysty naqty sheshimniń tabylmaýy saldarynan oryn alatyn ózekti máselelerdiń tizbesi kórsetilgen.
Almaty qalasy boıynsha 6 baǵyt belgilendi, olar – qurylys, ekologıa, fıskaldyq sala, áleýmettik sala, ekonomıka jáne qarjy baǵyttary. Bular – osy óńirde turatyn jáne sybaılas jemqorlyqpen baılanysty adamdar kezdesetin negizgi máseleler.
Qala ákiminiń orynbasary Asqar Ámrın atap ótkendeı, Sybaılas jemqorlyqqa qarsy is-qımyl agenttigi memlekettiń sybaılas jemqorlyqqa qarsy saıasatynyń jetekshisi bolyp tabylady, ol óz qyzmetinde jemqorlyqtyń aldyn alýdyń, aýqymdy aǵartýdyń, qoǵammen syndarly seriktestiktiń jáne qylmystyq-quqyqtyq sharalardyń tıimdi elementterin biriktiredi.
«Sybaılas jemqorlyqtyń aldyn alý jáne oǵan qarsy is-qımyl" tıptik bazalyq baǵyty engizilgen jobalyq basqarý aıasynda ákimdik óz tarapynan sybaılas jemqorlyq táýekelderine ishki taldaý júrgizedi, ákimshilik kedergilerdi joıý, sondaı-aq ashyqtyq pen ádildikti qamtamasyz etý maqsatynda bilim berý, densaýlyq saqtaý, kólik, jer qatynastary salalaryndaǵy jumys ońtaılandyryldy, memlekettik qyzmetter elektrondyq formatqa aýystyryldy. Memlekettik apparattyń qoǵammen syndarly dıalogy jolǵa qoıylǵan.