Almatyda 2025 jyly 260 shaqyrym sý qubyry jelisi salynyp, qaıta jańǵyrtylady
Sýmen sapaly qamtamasyz etý úshin 2025 jyly 260 km sýmen jabdyqtaý jelileri salynyp, rekonstrýksıalanady. Bul Almaty qalasynyń turǵyndaryn sýmen qamtý deńgeıin 99,6%-dan 99,9%-ǵa deıin arttyrady. Bul týraly qala ákimi Erbolat Dosaevtyń Memleket basshysyna 2025 jyly 1-30 sáýir aralyǵyndaǵy kezeńdegi esebinde aıtylǵan, dep habarlaıdy aqshamnews.kz
Bıyl 30 sáýirge deıin 190 km jeli salýǵa jáne jańǵyrtýǵa 23 kelisimshart jasalyp, 2025 jyly sáýir aıynda 16,3 km sý jelisi salyndy.
«Aqsaı» ózenindegi sý alatyn qurylǵynyń qurylysy 85%-ǵa oryndaldy. Al «Ermensaı» nysany boıynsha merdigerdi tańdaý úshin 2025 jyly 9 sáýirde baıqaý jarıalandy.
Sýdy únemdi paıdalaný maqsatynda 2025 jyldyń basynan beri 39 myń jeke sý eseptegish qurylǵy ornatyldy, onyń ishinde 8,9 myńy – sáýirde. Bul eseptegishpen jabdyqtaý deńgeıin 2024 jylǵy 67%-dan 2025 jyldyń sáýirinde 75%-ǵa deıin jetkizdi. 2025 jyldyń sońyna qaraı bul kórsetkish 90%-ǵa jetedi dep josparlanyp otyr.
Aıta keteıik, 2025 jyldyń sáýir aıynda Almaty ákimdigi ázirlegen is-sharalar josparynda Prezıdent Qasym-Jomart Toqaevtyń tapsyrmalaryn oryndaýǵa arnalǵan Almaty qalasyn turaqty damytýǵa baǵyttalǵan 41 is-shara qarastyrylǵan. Memleket basshysy úshin tapsyrmalardyń oryndalý barysy týraly esep belgilengen kestege sáıkes qalyptastyrylady jáne usynylady.