Almatyda stýdentter úshin Tigin salasynyń quzyrettilik ortalyǵy ashyldy.
Almatyda Almaty memlekettik servıs jáne tehnologıalar koleji bazasynda Tigin salasynyń quzyrettilik ortalyǵy ashyldy. Bul jerde stýdentter zamanaýı standarttarǵa sáıkes tigin isi boıynsha tájirıbe alýǵa múmkindik alady, - dep habarlaıdy Almaty-akshamy.kz/.
Joba aıasynda ınovasıalyq jabdyqtar satyp alyndy: sıfrlyq tigin mashınalary, sonymen birge qalyń jáne juqa matalardan buıymdardy jasaý úshin, onyń ishinde kórpe tigý, keste tigý, túıme ilý úshin jartylaı avtomattar Kolejdi tigin tehnıkasymen jabdyqtaý múmkindigi shekteýli stýdentterdi tigin óndirisi mamandyqtaryna oqytýǵa múmkindik beredi. Ortalyqta alty oqý-óndiristik sheberhanasy jáne bes oqý aýdıtorıasy bar. Onyń jobalyq qýaty 75 orynǵa eseptelgen.
Ashylý saltanatyna Almaty qalasy ákiminiń orynbasary Ásem Nýsipova, Túrkitildes halyqtardyń salt-dástúrin saqtaýdy nasıhattaý jónindegi Óńiraralyq áıelder qoǵamdyq uıymy keńesiniń tóraıymy Raýshan Kanapánova, «Asyl-Dızaın» sán úıiniń bas dızaıneri, Qazaqstan Dızaınerler Odaǵynyń múshesi Aıdarhan Kalıev, «Italıa» bilim berý ortalyǵynyń dırektory Karmıne Barbaro, t.b. qatysty.
«Almaty qalasyn damytýdyń 2025 jylǵa deıingi baǵdarlamasynyń jol kartasy sheńberinde quzirettilik ortalyqtarynyń ashylýy TjKB uıymdarynda basa nazar aýdarylyp otyrǵan jumysshy mamandyqtarynyń arttyrýǵa múmkindik beredi. Endi biz biliktilik ortalyǵyndaǵy óndiristik bazamyzda dýaldy oqytýdy uıymdastyra alamyz», - dedi Ásem Núsipova.
Qalada memlekettik kolejder bazasynda barlyǵy úsh quzyrettilik ortalyǵy jumys isteıdi. Sonymen, Týrızm jáne qonaqjaılylyq ındýstrıasy kolejiniń bazasyndaǵy quzyrettilik ortalyǵynda kondıter-resimdeýshi, týrısik agent, barmen-barısta jáne t. b. mamandyqtar boıynsha oqytylady.Máselen, Týrızm jáne qonaqjaılylyq ındýstrıasy kolejiniń bazasyndaǵy quzyrettilik ortalyǵynda kondıter, aspazshy, t.b. mamandyqtar boıynsha oqytylady. Almaty energetıka jáne elektrondy tehnologıalar kolejiniń bazasyndaǵy quzyrettilik ortalyǵynda elektr energetıkasy jáne óndiristi avtomattandyrý salalarynda mamandar daıyndaıdy. Al Almaty servıstik qyzmet kórsetý kolejiniń bazasyndaǵy "Azyq-túlik tehnologıalary" quzyrettilik ortalyǵy et óndirisi jáne túrli tamaq ónimderin óndirisine baılanysty mamandyqtar boıynsha mamandar daıyndaıdy.
Quzyret ortalyǵy Almaty memlekettik kolejiniń bazasyndaǵy quzyrettilik ortalyǵynda tehnıkalyq prosesti avtomattandyrý jáne basqarý, elektrmen jabdyqtaý, radıotehnıka, elektronıka jáne telekomýnıkasıa, energetıka jáne elektrondyq tehnologıalar salalarynda mamandar daıyndaıdy. Al Almaty servıstik qyzmet kórsetý kolejiniń bazasyndaǵy «Azyq-túlik tehnologıalary» quzyrettilik ortalyǵy et jáne túrli tamaq ónimderin óndirýmen, sondaı-aq qonaq úı sharýashylyqtaryna qyzmet kórsetýmen baılanysty mamandyqtar boıynsha mamandar daıyndaıdy.
2023 jyly taǵy tórt quzyrettilik ortalyǵyn ashý josparlanǵan. Olardyń paıda bolýy stýdentterdi praktıkalyq oqytý úshin ınovasıalyq hab qurýǵa múmkindik beredi. Sondaı-aq, WorldSkills Chempıonattaryn ótkizý jáne qatysýshylardy daıarlaý úshin oqý-jattyǵý lageri qurylady. Bul halyqaralyq komersıalyq emes qozǵalys, maqsaty jumysshy mamandyqtarynyń bedelin arttyrý jáne daǵdylaryn damytý bolyp tabylady.