Jasyl jelekten jaryq kórinedi: Almatyda aǵashtarmen kómkerilgen kóshelerdi jaryqtandyrý joly tabyldy
Almatyda bıiktigi 4 metr bolatyn jańa kronshteınder ornatý bastaldy. Bul shamdardy aǵashtan joǵary ornalastyryp, kóshe boıyn tolyq jaryqpen qamtamasyz etýge múmkindik beredi. Bul týraly «Almaty Qala Jaryq» MKK basshysy Igor Mysık málimdedi, dep habarlaıdy aqshamnews.kz
«Almaty óte jasyl qala, mundaǵy aǵashtardyń kóptigi – qalanyń ekojúıesiniń bir bóligi. Kóptegen jasyl aımaqtaǵy aǵashtar jaryq shamdaryn kóleńkelep qoıady. Biz basqa mekemelermen birlesip, aǵashtardy sanıtarlyq turǵydan rettep, endi 4 metrlik jańa kronshteınder ornatyp jatyrmyz. Bul bıyl engizilgen jańalyqtyń biri», – dedi ol.
Tirekterdiń bıiktigi halyqaralyq standartqa saı tańdalady: joldar úshin 7-den 12 metrge deıin, al saıabaqtar men skverler úshin 3-ten 7 metrge deıin.
Sonymen qatar, trotýardy jaryqtandyrýdyń jańa júıesi engizilýde. Almaly aýdanynda ǵana 300-den astam kronshteın men dál sonsha sham ornatylǵan. Qalanyń ákimi Erbolat Dosaevtyń bastamasymen jaıaý júrginshiler ótkelderine túngi jaryq ornatý jumystary bastaldy.
«Kronshteınder joldyń ústine ornatylyp, tikeleı joldyń ortasyna qaraı baǵyttalady jáne jaryqty mol beredi. Bul shamdardy aǵashtardyń japyraǵy kóleńkelemeıdi, osylaısha joldyń jaryq sapasy artady. Qazir mundaı kronshteınder Almaty ortalyǵyndaǵy birneshe kóshege qoıyldy, aldaǵy ýaqytta olardy basqa aýdanǵa da ornatamyz», – dedi Igor Mysık.
Aıta keteıik, 2024 jyly Almatyda 25 myńnan astam sham aýystyrylyp, 250 shaqyrymnan astam kabel tartyldy, 1800 tirek ornatyldy. 5000-nan astam eski shamdar energıa únemdeıtin jaryqdıodty (LED) shamdarǵa aýystyryldy. Bul shamdar jaryǵyraq, uzaq qyzmet etedi jáne áldeqaıda únemdi. Munyń bári 2024 jyldyń qańtarynan bastap jaryqtandyrýdy qalpyna keltirý boıynsha atqarylyp jatqan keshendi jumystyń bir bóligi. Bul jumystar «Almaty Qala Jaryq» MKK-ǵa ótkennen keıin qolǵa alynǵan, sebebi burynǵy jekemenshik konsorsıýmmen kelisimshart buzylǵan bolatyn.