Almatyda jaryqtandyrý júıesi avtomatty basqarýǵa kóshýde: jyl sońyna deıin 800 syrtqy jaryqtandyrýdy basqarý shkafy jańartylady
2025 jyldyń sońyna deıin Almatyda syrtqy jaryqtandyrýdy basqarýǵa arnalǵan 1100 syrtqy jaryqtandyrýdy basqarý shkafynyń 800-i jańasyna aýystyrylady. Bul týraly «Almaty Qala Jaryq» MKK basshysy Igor Mysık málimdedi.
«Qalada eski basqarý shkaftaryn jańasyna aýystyrý belsendi túrde júrip jatyr. Jańa shkaftarda ornatylǵan zamanaýı qurylǵylar apattyq sónýlerdiń sanyn azaıtýǵa, aqaýlardy tez anyqtap joıýǵa jáne jalpy syrtqy jaryqtandyrýdyń sapaly ári úzilissiz jumys isteýin qamtamasyz etýge múmkindik beredi. Bıyl 800 jańa syrtqy jaryqtandyrýdy basqarý shkafy ornatylady. Buǵan deıin sónýlerdiń 60 paıyzy dál osy jabdyqtyń tozýynan bolǵan», – dedi ol.
Jaryqtandyrý júıesiniń taǵy bir mańyzdy baǵyty - sáýlettik-dekoratıvtik jaryq ornatý. 2025 jyly bul júıemen 70 ǵımarat qamtylady. Olardyń qatarynda QazUÝ, Qurmanǵazy atyndaǵy konservatorıa, Balýan Sholaq atyndaǵy sport kesheni, temirjol vokzaldary men «Suńqar» tramplın kesheni bar. Qazirdiń ózinde Qazgıdromet, Armıa úıi men ákimdikter ǵımarattaryna jaryqtandyrý ornatylǵan.
Eske sala keteıik, byltyr tarıhı-mádenı 56 eskertkishke jaryq ornatý jumystary aıaqtalǵan bolatyn. 128 projektor qoıylyp, 28 gvardıashy-panfılovshylar saıabaǵy da jańartyldy: munda 470 sham aýystyrylyp, 6 shaqyrymnan astam kabel tartylyp, 450 avtomatty ajyratqysh ornatyldy.