Fýtboldan 2024 jylǵy Eýropa chempıonatynyń segizinshi oıyn kúni, búgin úsh oıyn ótedi.
Eń aldymen 18:00–de E tobynda Slovakıa men Ýkraına oınaıdy, dep habarlaıdy almaty-akshamy.kz.
Kezdesý Dússeldorf qalasyndaǵy «Merkýr Shpıl-Arena» stadıonynda bolady.
Eki qurama buǵan deıin segiz márte kezdesti. Ýkraına úsh, Slovakıa eki márte jeńiske jetse, qalǵany teń nátıjemen aıaqtalǵan.
Bul toptaǵy Rýmynıa men Belgıa kezdesýi 22 maýsymda ótkiziledi.
Sondaı-aq D tobyndaǵy Polsha men Avstrıa kezdesýi 22.00-ge belgilengen.
Qazirge deıin quramalar on bir oıynda kezdesip, beseýinde Polsha, tórteýinde Avstrıa basym tússe, qalǵanynda teń nátıje tirkelipti.
Kezdesý Berlın qalasyndaǵy «Olımpıashtadıon» stadıonynda bolady.
Atalǵan toptaǵy Nıderland jáne Fransıa kezdesýi 00.00-ge belgilengen.
Quramalar qazirge deıin otyz eki márte kezdesip, on biri Nıderland, on jetisi Fransıanyń basymdyǵymen aıaqtalsa, qalǵan tórt oıynda teń nátıje kórsetipti.
Oıyn Leıpsıg qalasyndaǵy «Red Býll-Arena — Sentralshtadıon» stadıonynda ótedi.
Alǵashqy týrda Fransıa Avstrıany 1:0, Nıderland Polshany 2:1 esebimen tize búktirdi.
Kósh basynda úsh upaımen Fransıa men Nıderland keledi. Al Polsha men Avstrıanyń enshisinde upaı joq.
Oıyndardyń bári Qazsport telearnasynan tikeleı efırde kórsetiledi.