Ál-Farabıdiń 1155 jyldyǵy men Otyrar mýzeıiniń 45 jyldyǵyna arnalǵan kórme Almatyda ashyldy
Almaty mýzeıinde álemge tanymal ǵulama ǵalym ál-Farabıdiń týǵanyna 1155 jyl jáne «Otyrar» memlekettik arheologıalyq mýzeı-qoryǵynyń 45 jyldyǵy aıasynda «Uly Jibek joly boıyndaǵy Otyrar: ǵylym men mádenıettiń sabaqtastyǵy» atty taqyryptyq kórme ashyldy.
Kórmege Otyrar memlekettik arheologıalyq qoryq-mýzeıiniń qorynan alynǵan 200-den astam qundy jádiger qoıylǵan. Ekspozısıada Otyrar alqabyndaǵy qalalyq mádenıet, eginshilik, saýda jáne óndiris salalaryna qatysty artefaktiler tanystyrylýda.
Bul kórme Almaty turǵyndary men qonaqtaryna ortaǵasyrlyq Otyrar qalasynyń mádenı murasymen tanysýǵa, sonymen qatar Uly Jibek jolynyń boıyndaǵy órkenıettiń damý tarıhyna tereńirek úńilýge múmkindik beredi.
Kórmede:
-
Otyrartóbe, Quıryqtóbe, Altyntóbe, Pyshaqshytóbe, Kók-Mardan, Kúıik-Mardan, Jalpaqtóbe, Qońyrtóbe, Oqsyz sekildi ejelgi qalajurttar;
-
Saýda men qolóner ortalyqtary;
-
Arystanbab, Naıman áýlıe jáne basqa da kıeli qorymdar men arhıtektýralyq eskertkishter týraly aqparattar men jádigerler usynylǵan.
Kórme 1 aı boıy jalǵasady.
Ortaǵasyrlyq Otyrar mádenıeti, Otyrar arheologıasy, ál-Farabı, Uly Jibek joly, Almaty mýzeı kórmesi syndy taqyryptar qyzyqtyratyndar úshin bul – taptyrmas múmkindik.