«Almaty-bizdiń ortaq úıimiz» ekokampanıasy: «Taza aýla» aptalyǵynyń qorytyndysy
«Almaty – bizdiń ortaq úıimiz» ekologıalyq naýqanynyń «Taza aýla» atty úshinshi aptasy aıaqtaldy. Turǵyndar men komýnaldyq qyzmetterdiń belsendi qatysýynyń arqasynda qalany abattandyrýda aıtarlyqtaı nátıjelerge qoljetkizildi, dep habarlaıdy aqshamnews.kz
Apta aıasynda qalalyq aýmaqtardy sanıtarlyq tazartý boıynsha aýqymdy jumystar júrgizildi:
* 3 shaǵyn aýdan, 47 kóshe, aryqtar, trotýarlar men jaıaý júrginshiler aımaqtary tazartyldy.
* 62 jer ústi jáne 54 jerasty ótkelderi jýyldy.
* 4 811 turǵyn úı jertólesi dezınfeksıalanyp, tazartyldy.
* Saıabaqtarda jáne bos emes kóshelerde 3007 jańa kóshe jáshigi ornatyldy.
* 1 400-den astam konteınerlik alańdar men 8 000 konteınerlerdi jýý, dezınfeksıalaý jáne deratızasıalaý júrgizildi.
«Taza aýa» aksıasy aıasynda 19 stasıonarlyq ekologıalyq beketterde shyǵaryndylarǵa monıtorıń júrgizildi. 7 067 avtomobıl tekserildi, onyń 1 301-i (18,5%) shyǵaryndylar normatıvterinen asyp tústi.
Abattandyrýdy pasporttaý boıynsha jumys jalǵasýda: 6 039 nysannyń 5 798-i (96%) resimdeldi. Aǵymdaǵy jóndeý aıasynda qalanyń 11 kóshesinde shuńqyrlardy jóndeý, qıraǵan granıtti bólshekteý, jańa lúkterdi montajdaý, lúkterdi kóterý jumystary oryndaldy. Jumystar ál-Farabı dańǵyly (Nazarbaev dańǵylynyń toraby týnneli), Sátbaev kóshesi (Rozybakıev kóshesinen Tilendıev kóshesine deıin), Salyqov kóshesi (Ótegenov kóshesinen Taldy kóshesine deıin) kóshelerinde jalǵasýda.
«Qorshaýyńdy boıaý» aksıasy aıasynda qala turǵyndaryna 3 125 lıtr boıaý berildi.
«Komýnaldyq qyzmettiń úzdik qyzmetkeri» baıqaýyna 66 adam – komýnaldyq qyzmetterdiń, qalalyq kásiporyndar men merdigerlik uıymdardyń qyzmetkerleri qatysty. Baıqaý qorytyndysy boıynsha ár aýdanda 24 adam marapattaldy. Júldegerler sertıfıkattarǵa ıe boldy: I oryn – 150 000 teńge, II oryn – 100 000 teńge, III oryn – 50 000 teńge.
«Merzimi ótken dári-dármekterdi tapsyr-tabıǵatty saqta» aksıasy boıynsha búgingi kúni qabyldaý pýnktterine merzimi ótken 33 553 birlik dári – dármek kelip tústi-bul 122 kg-nan astam medısınalyq qaldyqtar. Merzimi ótken preparattardy jınaýǵa arnalǵan bokstar 36 qalalyq emhanada ornatylǵan.
«Jaqynyńa járdemdes» aksıasy aıasynda bir apta ishinde 9 mekenjaı boıynsha tazalyq jumystary júrgizilip, zeınetkerler men múgedekterge kómek kórsetildi.
Aptalyqtyń eń sharyqtaý shegi 23 naýryzdaǵy Almaty Clean & Green aýqymdy aksıasy boldy, oǵan 50 000 – nan astam adam-turǵyndar, eriktiler, juldyzdar, sportshylar jáne qala ákimdiginiń ókilderi qatysty.
Aksıa barysynda 8 000 m3 qoqys jınalyp, shyǵaryldy, 10 000-nan astam aǵash (alma, qaraǵash, úıeńki, akasıa) otyrǵyzyldy.
Kelesi apta kógaldandyrýǵa, mádenı murany saqtaýǵa jáne ekoaǵartýǵa arnalǵan. Aǵash otyrǵyzý, qustardyń uıalaryn ilý, 160 eskertkishti tazartý jáne ekologıalyq semınarlar josparlanǵan.