Qaskóıdiń oljasy jańa krosover boldy.
Ury erkin kirý múmkindigin paıdalanyp, basqa bireýdiń páterinen kólik kiltin urlap ketken, dep habarlaıdy Almaty-akshamy.kz Polisia.kz-ke silteme jasap.
«Kiltter úıde boldy. Ury tańǵy saǵat 06.30-da kirip, kiltterdi urlap ketken. Eki saǵattyń ishinde maǵan kólikti taýyp, qaıtaryp berdi. Men óte qýanyshtymyn. Úlken raqmet. Kútpedim», – deıdi "Daraboz" shaǵynaýdanynyń turǵyny.
Hyundai avtokóliginiń urlanǵany týraly habarlama kelip túskennen keıin Jedel basqarý ortalyǵynyń operatorlary ony “Qorǵaý – Qaýipti júrgizýshi” avtomattandyrylǵan júıesi arqyly tapty. Soltústik aınalma jolynda kólik kameraǵa túsip qalǵan. Ol shyǵys baǵytta qozǵalyp kele jatty.
«Býran-179» patrúldik polısıasynyń ekıpajy Postysheva kóshesiniń qıylysynda kóliktiń jolyn japty. Ury ustaldy», – dedi Alataý aýdandyq PB-na qarasty polısıa bóliminiń bastyǵy Qumarbek Kenshinbaev.
Ustalǵan azamat mas bolǵanyn alǵa tartyp, kinásin moıyndady. Er adamnyń aıtýynsha, ol dosynyń úıin izdeýge kelgen, biraq basqa bireýdiń páterine kirip ketip, sol jerden kólik kiltin urlap ketken.