Bul shara Áýezovtiń 125 jyldyǵyna oraılastyrylǵan.
Abaı oblysynda Muhtar Áýezovtiń 125 jyldyǵyna oraı «Eńlik – Kebek» eskertkishi ashylady, dep habarlaıdy Almaty-akshamy.kz oblys ákimdiginiń baspasóz qyzmetine silteme jasap.
28 qyrkúıekte zańǵar jazýshy Muhtar Áýezovtiń týǵanyna 125 jyl tolady. Qazaq qara sóziniń has sheberiniń qurmetine Abaı oblysynda birqatar shara ótkiziledi dep josparlanýda. Sonyń biri – Abaı aýdanyndaǵy «Eńlik – Kebek» eskertkishiniń ashylýy.
«Muhtar Áýezovtiń 125 jyldyǵy aıasynda oblys ákimi Nurlan Uranhaevtyń tapsyrmasyna sáıkes, Abaı aýdanynyń aýmaǵynda ornalasqan «Eńlik – Kebek» kesenesine jóndeý jumystary júrgizilýde. Jumystar tamyz aıynyń aıaǵynda bastaldy. Sonymen qatar qos ǵashyqqa arnalǵan eskertkish ornatylady. Jumystar osy jyldyń qyrkúıek aıynyń sońynda aıaqtalady», - delingen oblys ákimdiginiń baspasóz qyzmeti taratqan aqparatta.