Týý týraly kýálikterdiń telnusqalary, qosarlanǵan attar men ákesiniń atyn berý
Óńirlik komýnıkasıalar qyzmetinde ótken brıfıńte Almaty qalalyq Ádilet departamenti basshysynyń orynbasary Záýresh Sathojına azamattarǵa yńǵaıly bolý úshin azamattyq hal aktilerin tirkeýdiń, qaıtalama kýálik berýdiń barlyq túrlerine eksterrıtorıalyq prınsıp engizilgenin aıtty dep habarlaıdy almaty-akshamy.kz Almaty qalasynyń Óńirlik komýnıkasıalar qyzmetine silteme jasap.
Basqasha aıtqanda, qaı óńirde týylǵanyna qaramastan týý týraly qaıtalama kýálikti alý qajet bolǵan jaǵdaıda, týý týraly qaıtalama kýálikti ol qalaýy boıynsha kez kelgen tirkeýshi organnan ala alady.
Sonymen qatar, ata-analardyń tańdaýy boıynsha balanyń týýyn tirkeý proaktıvti tásilmen, SMS-habarlamalar arqyly kórsetiletin bolady.
«Ananyń jeke basyn kýálandyratyn qujattary bolmaǵan jaǵdaıda balanyń týýyn tirkeý jáne týý týraly kýálik berý múmkindigi qarastyrylǵan. Osylaısha, balalardyń týǵannan bastap azamattyǵy joq bolý máselesi sheshilýde», - dep habarlady ÓKQ spıkeri.
Sondaı-aq, Záýresh Sáthojına ózgerister qos esim men ákesiniń atyn defıs arqyly berýdi qarastyratynyn aıtty.
«Máselen, ákesiniń aty Álı-Asqar bolsa, ákesiniń aty Álı-Askarovıch nemese Álı-Asqarulyna berilýi múmkin», - dedi Ádilet departamenti basshysynyń orynbasary.
Kýálikteri Qazaqstan Respýblıkasynan tysqary jerlerde berilgen balalardyń týýyn tirkeý úshin qujattar tizbesi keńeıtildi. Mysaly, eger bala Ózbekstanda týylsa jáne týý týraly kýálik týǵan jeri boıynsha berilse, jańa túzetýlerge sáıkes, ata-analar balanyń naqty týǵan jerin kórsete otyryp, kez kelgen tirkeýshi organda qazaqstandyq úlgidegi týý týraly kýálikti ala alady.
Bul novela ata-analarǵa mektepke deıingi balalar mekemelerine kezekke qoıý, medısınalyq uıymdarǵa bekitý, ataýly áleýmettik kómek taǵaıyndaý, borysh júktemesin azaıtý jáne t.b. sıaqty memlekettik qyzmetterdi elektrondyq túrde alýǵa múmkindik beredi.
Azamattyq hal aktilerin tirkeýdiń keıbir túrleri avtomattandyrýǵa baılanysty alynyp tastaldy. 2 anyqtamanyń ornyna: bala asyrap alý týraly kýálik nemese áke bolý jáne týý týraly kýálik, tirkeýshi organ balanyń jeke derekteri men ata-anasy týraly málimetterdi qamtıtyn bir ǵana balanyń týý týraly kýáligin beredi.
Sot sheshimi negizinde nekeni buzýdy tirkeý tártibi avtomattandyryldy. Bul aqparat Ádilet mınıstrliginiń aqparattyq júıesine avtomatty túrde engizilip, neke qıý týraly jazbaǵa onyń buzylǵany týraly belgi qoıylady.
Azamattardyń tirkeýshi organ memlekettik organdardyń aqparattyq júıelerinen ala alatyn qujattardy (sot sheshimi, medısınalyq anyqtama, Qazaqstan Respýblıkasynda tirkelgen akt jazbalary týraly málimetter jáne t.b.) usyný qajettiligi joıyldy.
Joǵaryda atalǵan barlyq jańalyqtar azamattardyń ýaqytyn jáne qarjylyq shyǵyndaryn qysqartýǵa, sondaı-aq memlekettik qyzmetterdi kórsetý úderisin sıfrlandyrýǵa múmkindik beredi.