Kolorektaldyq qaterli isigi boıynsha onkologtar tegin qabyldaý júrgizedi
4-8 sáýir aralyǵynda Qazaqstannyń óńirlik onkologıalyq uıymdarynda kolorektaldy qaterli isiktiń aldyn alý jáne erte dıagnostıkalaý boıynsha Ashyq esik kúni ótedi, dep habarlaıdy Almaty-akshamy.kz Qazaq onkologıa jáne radıologıa ǵylymı-zertteý ınstıtýtynyń baspasóz qyzmetine silteme jasap.
Densaýlyq aptalyǵy sheńberinde 2022 jylǵy 4-8 sáýir aralyǵynda Qazaqstannyń onkologıalyq mekemelerinde kolorektaldyq qaterli isigi (toq ishek obyry) boıynsha onkologtar tegin qabyldaý júrgizedi.
Konsýltasıalyq qabyldaý ýaqyty-14.00-den 17.00-ge deıingi aralyqta júzege asyrylady.
«MSAK uıymdarynyń onkologtary «Jasyl dáliz» boıynsha jumys saǵattarynda tekserý kabınetinde nemese jalpy praktıka dárigeriniń qabyldaýynda anyqtalǵan onkopatologıaǵa kúdikti pasıentterdi qabyldaýdy turaqty negizde júzege asyrady.
Sondaı-aq, kez kelgen kúni emhanalarda MÁMS sheńberinde árbir jasy kelgen adam kelesi tegin onkoskrınıngterden óte alady:
1. kolorektaldy qaterli isik aýrýyna (50-70 jasyndaǵy erler men áıelder);
2. Sút bezi obyryna skrınıng (40-70 jasyndaǵy áıelder)
3. Jatyr moıny obyryna skrınıng (30-70 jasyndaǵy áıelder).