«Omıkron» shtamynyń jańa mýtasıalanǵan túri – HE anyqtaldy
Ulybrıtanıada koronavırýstyń jańa mýtasıalanǵan túri anyqtaldy. Shanhaıdyń 26 mln turǵyny koronavırýs antıdenelerine analız tapsyrýǵa mindetteldi. Bul týraly Qazaqstanda COVID-19 taralýyna jol bermeý jónindegi vedomstvoaralyq komısıanyń Telegram-kanalynda aıtyldy, dep habarlaıdy Almaty-akshamy.kz.
Ulybrıtanıada koronavırýstyń «omıkron» shtamynyń jańa mýtasıalanǵan túri – HE anyqtaldy. Sarapshylardyń pikirinshe, HE aldyńǵy nusqalarǵa qaraǵanda qanshalyqty juqpaly ekendigi týraly qorytyndy jasaý ázirge erterek. Ulybrıtanıanyń Densaýlyq saqtaý agenttigi jańa nusqany zerdeleýde. Ázirge sarapshylar bul mýtasıany juqtyrý qarqyny «stels-omıkron» nemese «omıkron» BA.2 túriniń taralýynan aıtarlyqtaı erekshelenbeıtinin atap ótti. Alaıda, sońǵy zertteýler boıynsha, XE-diń juǵý jyldamdyǵy «stels-omıkronǵa» qaraǵanda 9,8% joǵary.
3 sáýirde Shanhaı bıligi shamamen 26 mıllıon halqy bar qalanyń barlyq turǵynyn antıdenelerdiń bar-joǵyn tekserýge jáne anyqtalǵan oń nátıjeler týraly jedel habarlaýǵa mindettedi. Dúısenbide azamattar vırýstyń bar-joqtyǵyn anyqtaý úshin PTR testini tapsyrýy kerek.
Jýrnalıserdiń aıtýynsha, qalada koronavırýs ınfeksıasynyń kóptegen jaǵdaılary sımptomsyz bolyp tabylady. Jalpy, kontınentaldy Qytaıda sońǵy táýlikte COVID-19 juqtyrýdyń klınıkalyq belgileri bar 1506 jáne sımptomsyz 11 781 deregi anyqtaldy. Barlyǵy da - vırýstyń el ishinde taraǵan jaǵdaılary.