Volonterlik shtab oblys turǵyndarynan kıim-keshek, tez buzylmaıtyn taǵamdar, dárilik jáne jeke gıgıenalyq zattar jáne basqa da alǵashqy kerek zattardy qabyldaýdy jalǵastyrýda
Batys Qazaqstan oblysynda sý tasqynynan zardap shekken turǵyndarǵa kómek kórsetetin volonterlik shtab quryldy, dep habarlaıdy Almaty-akshamy.kz QazAqparatqa silteme jasap.
BQO ishki saıasat basqarmasy málim etkenindeı, shtabty oblystyq jastarmen jumys jónindegi resýrstyq ortalyǵynyń basshysy Ádilgereı Zulharov basqarady.
Shtab Ǵ.Qarash kóshesi, 16 úı mekenjaıyndaǵy oblystyq tenıs ortalyǵynda ornalasqan.
«Qazirgi tańda Qaratóbe, Jánibek, Shyńǵyrlaý, Bórli aýdandarynynyń árqaısysynda 30 adamnan quralǵan volonterlik toptar qyzmet atqarýda. Olar zardap shekken aımaqtardy qalpyna keltirý jumystaryna járdem berýde. Sonymen qatar Oral qalasynda 100-den astam volonter kómek kórsetýge daıyn. Volonterlik shtab oblys turǵyndarynan kıim-keshek, tez buzylmaıtyn taǵamdar, dárilik jáne jeke gıgıenalyq zattar jáne basqa da alǵashqy kerek zattardy qabyldaýdy jalǵastyrýda. Jetkilikti deńgeıde jınalǵan soń atalǵan aımaqtarǵa jóneltiledi. Qosymsha suraqtar boıynsha shtab jetekshisi Ádilgereı Zulharovqa, 8-708-704-77-78 telefon nómirine qońyraý shalýǵa bolady», - dep habarlady vedomstvodan.
«Oral qalasyndaǵy tenıs ortalyǵynda oryn tepken kómek ortalyǵynda turǵydardan jınalǵan azyq-túlik, basqa da zattardy aýdandarǵa jóneltetin bolamyz. Aýdandarda volonterlik toptar qazirgi kezde kezekshilikte júr. TJ qyzmetkerlerimen birge sý tasqyny zardaptaryn joıý jáne aldyn alý jumystaryna qatysýda. 2011 jylǵy kóktemgi sý tasqyny kezinde osyndaı shtab qurylyp, jumys istegen bolatyn», - dedi shtab jetekshisi Ádilgereı Zulharov.
Eske sala keteıik, budan buryn Batys Qazaqstanda 100-ge jýyq turǵyn úıdi sý basqanyn, tasqyn sý shaıyp ketken soń birneshe kólik joly jabylǵanyn jazǵan bolatynbyz.
Sondaı-aq BQO-da 2 júkti áıel sý basqan aýmaqtan tikushaqpen Oralǵa jetkizildi.
BQO-da respýblıkalyq mańyzy bar taǵy bir trassany sý basty.