Almatyda jylytý jáne ystyq sýmen jabdyqtaý qyzmeti úshin komýnaldyq kásiporyn aldyndaǵy qaryzdy aıyppulsyz tólegisi keletin jylý energıasyn paıdalanatyn tutynýshylar úshin «Qaryzdy tóle - ósimpuldy alyp tastaımyz!» atty naýqan jalǵasyp jatyr.
Naýqan bastalǵan bir aı ishinde bereshekteriniń jalpy somasy 19 143 333,28 teńge 171 boryshker ósimpuldy alyp tastaý múmkindigin paıdalandy, aksıa aıasynda jalpy somasy 9 154 707,59 teńge ósimpul esepten shyǵaryldy. Esterińizge sala keteıik, naýqan 2023 jylǵy 29 jeltoqsanda aıaqtalady, dep habarlaıdy almaty-akshamy.kz.
Bul ósimpuldy únemdeýmen birge, múlikke, sonymen qatar boryshkerdiń banktegi esep shotyna salynǵan shekteýler men tyıymdy alyp tastaýǵa múmkindik beredi.
Naýqanǵa qatysý úshin bıyl 29 jeltoqsanyna deıin bereshekti tolyq tólep, «Almaty jylý júıesi» JSHS-na ótinishti, jeke basyn kýálandyratyn qujattyń kóshirmesin, tólem týraly kasalyq chekti info@alts.kz elektrondyq poshtaǵa usyný qajet nemese sol aýmaqta ornalasqan tutynýshylarǵa qyzmet kórsetý ortalyqtarynyń birine júginý kerek.
TQKO mekenjaılary jáne baılanys derekteri:
- «Batys» TQKO (Alataý, Áýezov jáne Naýryzbaı aýdandaryna qyzmet kórsetedi) – «Aqsaı-4» yqsham aýdany, 51-B, telefondary: 341-05-30, WhatsApp: +7 (701) 300-70-69, e-mail: batys@alts.kz;
- «Ortalyq» TQKO (Almaly jáne Bostandyq aýdandaryna qyzmet kórsetedi) – Shapyq Shókın kóshesi, 221-V, telefondary: 341-05-28, 341-05-29, WhatsApp: +7 (701) 300-70-65, e-mail: ortalyc@alts.kz;
- «Shyǵys» TQKO (Jetisý, Medeý jáne Túrksib aýdandaryna qyzmet kórsetedi) – Namanǵan kóshesi, 39-A, telefondary: 341-05-33, WhatsApp: +7 (701) 300-70-54, e-mail: shygis@alts.kz.
Sonymen qatar, myna telefon 341-07-77 nómirine qońyraý shalý arqyly AlJJ anyqtamalyq qyzmetine habarlasý arqyly bereshek týraly aqparat nemese jylý energıasyn esepteý boıynsha keńes alýǵa bolady. WhatsApp nómiri de jumys istep tur: +7 (701) 027-11-20 (habarlama úshin).
Qaryz tólenbegen jaǵdaıda boryshkerge jylý berý toqtatylyp, bereshek sot arqyly óndirilip alynady.
«Almaty jylý júıesi» JSHS