Qarý qabyldanǵan kezde, qylmysqa qatysy bar-joǵyn tekserý úshin krımınalıserge jiberiledi.
Almaty polısıasy turǵyndardan zańsyz qarý-jaraqty satyp alý naýqanyn bastady, dep habarlaıdy Almaty-akshamy.kz
«25 sáýirden bastap el aýmaǵynda zańsyz saqtalǵan atys qarýy, oq-dáriler men jarylǵysh zattardy halyqtan satyp alý júrgizilip jatyr. Bul shara qoǵamdyq qaýipsizdikti qamtamasyz etý, atys qarýy men jarylǵysh zattardy qoldaný arqyly jasalatyn qylmys pen quqyq buzýshylyqtyń aldyn alý maqsatynda jasalady. Aýdandyq polısıa basqarmalarynda azamattardyń óz erkimen tapsyrǵan atys qarýy, oq-dáriler men jarylǵysh zattardyń tehnıkalyq jaǵdaıyn anyqtaý, tólemdi belgileý nemese aqshalaı syıaqy tóleýden bas tartý úshin komısıalar quryldy», - dedi Almaty qalalyq PD Ákimshilik polısıa basqarmasynyń bastyǵy, polısıa polkovnıgi Nurlan Amanbek.
Polısıa departamenti eskertkendeı, ishki ister organdarynda tirkelmegen kez kelgen qarý zańsyz bolyp sanalady jáne tapsyrylýy tıis.
«Kez kelgen myltyq, atys qarýy, tegis uńǵyly, travmatıkalyq qarý aýmaqtyq polısıa basqarmasyna tapsyrylýy kerek. Qarý qabyldanǵan kezde, qylmysqa qatysy bar-joǵyn tekserý úshin krımınalıserge jiberiledi», - delingen Almaty qalalyq polısıa departamenti taratqan habarlamada.