“Quqyqtyq tártip” jedel aldyn alý is-sharasy aıasynda Almaty qalasynyń polısıasy jolaýshylar tasymalyn tekserip jatyr.
Tekserý resmı tasymaldaýshylardyń avtobýstaryn ǵana emes, sondaı-aq jeke tasymaldaýshylardy, sonyń ishinde qalaaralyq jáne oblysaralyq baǵyttardaǵy kólikterdi de qamtıdy, - dep habarlaıdy Aqshamnews.kz.
— Jolaýshylardy tasymaldaý erejeleriniń buzylýyn, tıisti ruqsatsyz kólikti qaıta jabdyqtaýdy, mindetti memlekettik tehnıkalyq baıqaýdan ótpegen kólikterdi paıdalanýdy, jolaýshylardyń qaýipsizdigin qamtamasyz etý talaptarynyń saqtalmaýyn anyqtaýǵa erekshe kóńil bólinýde. Tek jarty kúnniń ishinde 500-den astam quqyq buzýshylyq tirkeldi. Qalaaralyq turaqty reısterdi oryndaǵan 15 sheteldik tirkeýdegi kólik jeliden alynyp, arnaıy aıyppul turaǵyna qoıyldy. Bizdiń basty maqsatymyz – tek quqyq buzýshylyqtardy tirkeý emes, qaıǵyly jaǵdaılardyń aldyn alý. Biz kólik quraldarynyń tehnıkalyq jaı-kúıine, júrgizýshilerdiń reıs aldyndaǵy medısınalyq tekserýlerine jáne jolaýshylardy tasymaldaý talaptarynyń oryndalýyna baqylaýdy kúsheıttik, – dedi Almaty qalasy PD jergilikti polısıa qyzmeti basqarmasynyń bastyǵy Serik Shýmaev.
Polısıanyń málimetinshe, jolaýshylar tasymalynyń qaýipsizdigi – quqyqtyq tártiptiń negizgi elementi. Jol-kólik oqıǵalarynyń aldyn alý men adam ómirin saqtaý – polısıa, tasymaldaýshylar men azamattardyń birlesken kúsh-jigerimen ǵana múmkin bolady.