Almatydaǵy polısıanyń servıstik ortalyqtarynda 55 qyzmet túri kórsetiledi
Almaty ákimi Erbolat Dosaev jumys sapary barysynda Naýryzbaı aýdanyndaǵy polısıanyń servıstik ortalyǵyna bardy. Azamattardy qabyldaý munda 23 maýsymnan bastalady. Mundaı ortalyqtar barlyq aýdandarda qala ákimdiginiń jobalyq ofısiniń qoldaýymen qurylady. Búgingi tańda polısıa departamentiniń balansyna segiz úı-jaı satyp alyndy jáne berildi, olardyń altaýy tolyq jabdyqtalǵan jáne ashylýǵa daıyndalýda.
«Bul joba pılottyq rejımde Memleket basshysynyń tapsyrmasy boıynsha polısıa jumysynyń servıstik modeline kóshý boıynsha iske asyryldy, onyń negizgi maqsaty – qoǵammen ashyq dıalog jáne turǵyndardyń suranystaryna jedel den qoıý. Biz úshin azamattardyń quqyq qorǵaý qyzmetterin jáne tynysh jaǵdaıda qajetti quqyqtyq kómekti alýy úshin qolaıly jaǵdaı jasaý mańyzdy. Turmystyq zorlyq-zombylyq qurbandaryna kómek kórsetýge jáne jasóspirimder arasyndaǵy qylmystyń aldyn alýǵa erekshe kóńil bólindi», - dedi Almaty ákimi Erbolat Dosaev.
Ortalyqtarda 55 qyzmet túri kórsetiledi. Mamandar kóshi-qon jáne ákimshilik zańnama, quqyq buzýshylyqtardyń aldyn alý, otbasylarda zardap shekken áıelderdiń quqyqtaryn qorǵaý máselelerin sheshýge kómektesedi. Ol úshin barlyq jaǵdaılar jasaldy-ınspektorlar men psıhologtar qabyldaıtyn jeke kabınetter bolady.
Kóshi-qon polısıasynyń ınspektorlary shetel azamattaryn tirkeý nemese qaıta tirkeý boıynsha qyzmetter kórsetedi, Qazaqstan Respýblıkasynan tys jerlerge kelý nemese ketý, azamattyqty alý jáne turaqty turý úshin qujattardy resimdeıdi.
Avtokólik ıelerine JKO faktileri boıynsha konsýltasıalar beriledi, avtokólikke ákimshilik aıyppuldardyń, aýyrtpalyqtar men shekteýlerdiń bar-joǵyn tekserýge, kólik quralyn qaıta jabdyqtaý jónindegi qujattardy resimdeýge kómektesedi.
Ortalyqtarda zańgerler, medıatorlar, ishki ister organdaryna oqýǵa jáne qyzmetke qabyldaý jónindegi konsýltanttar, sondaı-aq qarý alyp júrýge jáne saqtaýǵa ruqsat berý jónindegi qyzmetkerler jumys isteıtin bolady.
Azamattardy qabyldaýdy ýákiletti quzyretti qyzmetkerler - tergeýshiler, jedel ýákilder, ýchaskelik ınspektorlar júrgizedi. Derekter bazasy qol jetimdi bolady, bul buryn berilgen ótinishti qaraý barysy týraly bilýge nemese jaýapkershilikke tartý sebepteri týraly aqparat alýǵa múmkindik beredi.
Sıfrlandyrý basqarmasymen birlesip zıatkerlik beınebaqylaý júıesi jumys isteıdi, onyń kómegimen joǵalǵan zatty taýyp qana qoımaı, qylmysty jedel ashyp, quqyq buzýshylyqty anyqtaýǵa bolady.
Ortalyqtardyń jumys kestesi-saǵat 9:00-den 20:00-ge deıin. Saǵat 23:00-ge deıin ýchaskelik polısıa ınspektorlary azamattardy qabyldaıdy. Turǵyndarmen tikeleı baılanysta bolatyn bul qyzmetti damytýǵa qala ákiminiń tapsyrmasy boıynsha erekshe kóńil bólinedi.
Bolashaqta arhıvtik anyqtamalar men basqa da qyzmetterdi rastaý boıynsha polısıanyń servıstik ortalyqtarynyń fýnksıonalyn keńeıtý josparlanýda.