2024 jylǵy 13 maýsym saǵat 23.13-ten bastap Almaty áýejaıyna barlyq halyqaralyq reıstiń ushýy jańa termınalda (T2) júzege asyryldy.
14.06.2024 j. saǵat 01.00-den bastap barlyq halyqaralyq reıstiń Almaty áýejaıynyń jańa termınalynan ushýǵa tolyq kóshýi júzege asyryldy, dep habarlaıdy Almaty-akshamy.kz Kólik mınıstrligine silteme jasap.
2024 jyldyń 1 maýsymynan bastap qazirgi ýaqytqa deıin jańa termınaldan barlyǵy 310 halyqaralyq reıs oryndaldy jáne 43 814 jolaýshyǵa qyzmet kórsetildi.
Búgingi tańda jańa termınal 33 áýe kompanıaǵa qyzmet kórsetedi. Onyń ishinde úsh qazaqstandyq tasymaldaýshy – Air Astana, Scat, FlyArystan áýe kompanıalary jáne Uzbekistan Airways, Azerbaijan Airlines, Pegasus Airlines, Somon Air, Wizz Air, Vietjet, Red Wings, IndiGo, Loong Air, Rossiya, Jazeera Airways, Salam Air, Air Arabia, Red Sea Airlines, Air Cairo, Hunnu Air, Azimuth Aero, Yakutia Airlines, Qeshm Air, Air Asia, S7 airlines, FlyNas, Neos Airlines, China Southern Airlines, Qatar Airways, Lufthansa, Flydubai, Turkish Airlines, Asiana Airlines, Aeroflot sıaqty 30 Halyqaralyq áýe kompanıalar.
Burynǵy termınalda (T1) barlyq ishki baǵyt boıynsha Air Astana, Scat, FlyArystan, Qazaq air jáne Iýjnoe nebo áýe kompanıalarynyń reısteri júzege asyrylady.
Almaty áýejaıynyń jolaýshylary men qonaqtarynyń jaılylyǵyn qamtamasyz etý úshin T1 termınalyn qaıta jańartý jáne turaq aımaǵyn ulǵaıtý maqsatynda jóndeý-qurylys jumystary bastaldy.