2021 jyldyń 15 jeltoqsany men 2022 jyldyń 12 qańtary aralyǵynda Almaty qalasynda «Pırotehnıka» respýblıkalyq jedel aldyn alý is-sharasy eki kezeńde ótkizilýde, dep habarlaıdy Almaty-akshamy.kz Polisia.kz-ke silteme jasap.
İs-sharanyń maqsaty – jańajyldyq merekeler kezinde qoǵamdyq qaýipsizdikti qamtamasyz etý, jeke jáne zańdy tulǵalardyń azamattyq pırotehnıkalyq zattar men qoldanylǵan buıymdar aınalymynyń belgilengen erejelerin saqtaýyn baqylaý.
«Almatyǵa jyl saıyn túrli pırotehnıkalyq buıymdar óndiriledi jáne jetkiziledi. Sondyqtan balalar arasynda jaraqattanýdy boldyrmaý úshin qyzmetine qoǵamdyq tártipti saqtaý kiretin polısıa jasaqtarynyń, ýchaskelik polısıa ınspektorlarynyń, sondaı-aq mektep polısıasy ınspektorlarynyń nazary kámeletke tolmaǵandardyń pırotehnıkalyq buıymdardy paıdalanýyn, onyń ishinde bilim berý mekemeleriniń aýmaqtarynda qoldanýynyń jolyn kesý. Pırotehnıkalyq buıymdardy avtokólikpen tasymaldaýdyń zańdylyǵyn tekserý jumystary júrgizilýde.«Pırotehnıka» JAİ jyl saıyn jańajyldyq merekeler qarsańynda ótkiziledi, onyń qorytyndysy týraly qosymsha habarlaıtyn bolamyz», – dedi Almaty qalalyq PD Azamattyq jáne qyzmettik qarý aınalymyn baqylaý bóliminiń bastyǵy Rahym Tólequlov.
Qalanyń barlyq aýdandarynda bizdiń polısıa bólimshesiniń qyzmetkerleri men ýchaskelik polısıa ınspektorlary arasynan arnaıy toptar quryldy.
«Tekserý qalanyń barlyq bazarlaryndaǵy saýda oryndaryn qamtydy. Bul ónimder stıhıalyq saýda oryndarynda da satylyp jatqany belgili. Ádette, satýshylarda ónim sertıfıkattary joq, al keıbiriniń pırotehnıkalyq zattarmen saýda jasaýǵa lısenzıasy da joq. Salúttar, otshashýlar kúmándi sapada bolady, sonyń saldarynan – olardy paıdalaný kezindegi tótenshe jaǵdaılar kóbinese aýyr zardaptarǵa ákeledi. Bul jaǵynan, ásirese, balalar osal bolyp keledi. Tájirıbede, ókinishke oraı, olardyń pırotehnıkalyq buıymdardy paıdalaný saldarynan jaraqat alý faktileri bar», – dedi R.Tólequlov.