Almatyda krımınaldyq polısıa qyzmetkerleri páter tonaýmen aınalysqan qylmystyq topty quryqtady.
Almaty oblysynyń úsh turǵynynyń qaladaǵy páter urlyǵynyń keminde bes epızodyna qatysy bar ekendigi belgili boldy, dep habarlaıdy aqshamnews.kz Polisia.kz-ke silteme jasap.
Olar sońǵy qylmysyn páterlerdiń birinde jasaǵan, sol kezde páter ıesi kútpegen jerden kelip qalǵan. Qaskóıler onyń betine burysh spreıin shashyp, oqıǵa ornynan qashyp ketken.
- Ustalǵandardyń ekeýi bótenniń múlkin urlaǵany úshin buryn qylmystyq jaýapkershilikke tartylǵan. Qazir úsheýi de ýaqytsha ustaý ızolátorynda otyr. Olarǵa qatysty tergeý amaldary júrgizilip, jedel is-sharalar jalǵasýda, - dedi Almaty qalalyq PD krımınaldyq polısıa basqarmasynyń bastyǵy Talant Isaev.
Tártip saqshylary ustalǵandardyń qaladaǵy páter urlyǵynyń basqa da oqıǵalaryna qatysy bar-joǵyn tekserip jatyr.
Aqparat kózi Polisia.kz saıtynda: https://polisia.kz/almatyda-pater-urylarynyng-qylmystyq-toby-ustaldy/