Almaty polısıasy páter urylaryn qolǵa túsirdi.
Almatyda ustalǵan qylmystyq toptyń kem degende úsh páter tonaǵandyǵy dáleldendi, dep habarlaıdy Almaty-akshamy.kz Polisia.kz-ke silteme jasap.
«Eki qaskóı de 31 jasta. Olardy polısıanyń arnaıy jasaǵynyń kómegimen bizdiń bólimsheniń qyzmetkerleri jedel-izdestirý is-sharalaryn júrgizý barysynda ustady. Oryndaýshy – B.esimdi azamat. Onyń júrgizýshisi – T.esimdi azamat. Únemi qyraǵy boldy: ol kólikte otyrdy jáne kishkene qaýip tóne qalsa, eskertýi kerek boldy. Qylmys jasaý tizbegi standartty: kúdiktiler aýlalardy aralap, kópqabatty úılerdiń terezeleri men kireberisterin qarap júrgen. Olar kireberiske kirip, kiltti tańdaý arqyly páterge kiretin esikti ashty jáne qundy nárselerdiń bárin alyp shyqty. Sońǵy derek Qabdolov kóshesindegi úılerdiń birinde tirkeldi», – dedi Almaty qalalyq PD Krımınaldyq polısıa basqarmasynyń bastyǵy Qýatbek Naýatov.
Ustalǵandardyń ekeýi de buryn urlyq jasaǵany úshin jazasyn ótegen. Qazirgi ýaqytta kúdiktilerdiń jalpy Almaty qalasy boıynsha úsh páter tonaý deregine qatysy bar ekendigi anyqtaldy. Qaskóıler ýaqytsha ustaý ızolátoryna qamaldy.
QR QK-niń 188-baby 3-bóligi boıynsha sotqa deıingi tergeý amaldary júrgizilýde.