Operasıa 2,5 saǵatqa sozyldy.
Klınıkalyq aýrýhanaǵa ekinshi qabattan qulaǵan 45 jasar pasıenttiń aýyr halde ekeni anyqtalyp, omyrtqa jotasyna kúrdeli operasıa jasaldy, dep habarlaıdy Almaty-akshamy.kz OQKA baspasóz qyzmetine silteme jasap.
Ortalyq qalalyq klınıkalyq aýrýhanaǵa jetkizilgen er adamǵa «Julynynyń fýnksıasynyń buzylýymen bel omyrtqasynyń 3-satyly asqynǵan synyǵy jáne aıaǵynyń paraperezi (paralıch), jambas organdary fýnksıasynyń buzylýy, tobyǵynyń synýy» degen dıagnoz qoıyldy.
Omyrtqasynyń transpedıkýlárly fıksasıasy atalatyn operasıany OQKA neırohırýrgy Talǵat Sársenbaev jasady.
«Omyrtqalaryn ımplanttar (transpedıkýlár burandalar) arqyly turaqtandyrý úshin hırýrgıalyq operasıa jasaldy. Osy burandalardy ornatýdyń arqasynda omyrtqa tirek taýyp senimdi túrde fıksasıalanatyn bolady. Transpedıkýlárly fıksasıa súıekterdiń qalpyna kelý kezinde bir birimen yǵysyp ketýin boldyrmaıtyndaı durys jáne tez ósýin qamtamasyz etedi. Operasıa sátti ótti, ekinshi kúni pasıent óz betimen otyra aldy jáne tobyǵynyń synyǵy jazylǵannan soń júre alatyn bolady», - dedi Ermek Súleımenov.
Operasıa 2,5 saǵatqa sozyldy. Aıta ketetin nárse, ortalyq qalalyq klınıkalyq aýrýhanada neırohırýrgıalyq bólimshe qarastyrylǵan, onda bas mı tamyryna, sondaı-aq omyrtqaǵa eń qıyn operasıalar jasalady. Mamannyń aıtýynsha, mundaı operasıany júrgizý úshin klınıka barlyq qajetti joǵary tehnologıalyq jabdyqtarmen qamtylǵan.