Úıde balaǵa qosymsha stress týdyratyn jaǵdaı jasamaý kerek. Ótpeli jas - adamnyń psıhıkasynyń damýy úshin qalypty kezeń.
Balanyń ótpeli jasy - adam psıhıkasynyń damýynyń qalypty kezeńi. Bul kezeń balalardyń «buzylǵanyn» jáne «jaǵdaıynyń túsip ketkenin» bildirmeıdi, bar bolǵany onyń basymdyqtary ózgergenin kórsetetinin NEWS.ru-ge bergen suhbatynda pedagog-psıhology Mıla Levchýk aıtty.
Eger burynyraqta balalar ata-anasyn abyroı sanap, solarǵa uqsaýǵa tyryssa, qazir olar úshin ózderiniń qatarlastarynyń mártebesi joǵary. Mundaı qabyldaýdy ózgertý múmkin emes, degenmen ata-anasy balanyń jaǵyna ótip, onyń qıyn kezeńnen ótip jatqanyna túsinistik tanytyp, alańdaýly ekenin bildirýge bolady.
Psıholog jasóspirimder ótpeli kezeńde únemi kúızeliste júretinin atap ótti. Ol óz qurdastarynyń arasynda ózin ornyqty, senimdi sezinýi kerek, bul eresek adamǵa jańa jumys ornynda bedelge ıe bolýdan góri qıynyraq bolýy múmkin. Sonymen qatar, mektepte de artylatyn salmaq arta túsedi: muǵalimder aldaǵy emtıhandarmen qorqytady, ótpeli kezeńnen ótip jatqan jasóspirimderge mamandyq tańdaýǵa jáne oqýǵa túsýge daıyndalýǵa májbúr bolady.
«Balańyzdyń jaǵdaıyna enip, ony túsinýge daıyn ekenińizdi bildirip, aıaýshylyq bildirińiz. Onymen odaqtas bolýǵa tyrysyńyz, naqty bir keńespen kómektese almasańyz, kóńilin aýlaıtyn stıldi kıim satyp alý úshin aqsha berińiz nemese olardyń ortasynda dárejesin arttyratyndaı múmkindik berý úshin, eń bolmaǵanda, kedergi bolmańyz», - dep keńes berdi Levchýk.
Mamannyń aıtýynsha, úıde balaǵa qosymsha kúızelis týdyratyn jaǵdaılar jasamaý kerek. Balanyń senimine ıe bolý úshin ony ózińizge táýeldi etpeı, onymen dos bolýǵa tyrysý kerek.