Búgin QR Ulttyq kitaphanasynyń N. Dáýletova atyndaǵy zalda kórnekti memleket jáne qoǵam qaıratkeri, mádenıettanýshy ǵalym, Qazaqstannyń eńbek sińirgen qaıratkeri Murat Muhtaruly Áýezovtiń 80 jyldyq mereıtoıyna arnalǵan «Ótkirdiń júzi» atty saltanatty is-shara ótti, dep habarlaıdy Almaty-akshamy.kz.
Sharany Qazaqstan Respýblıkasy Prezıdenti syılyǵynyń laýreaty, «Qurmet» ordeniniń ıegeri, «Qazaq radıosy» jáne «Shalqar» radıosynyń Almaty fılıalynyń jetekshisi Baqyt Jaǵyparuly júrgizdi.
Saltanatty sharany quttyqtaý sózben Qazaqstan Respýblıkasynyń Mádenıet jáne sport mınıstri Oralov Asqat Razdyquly, Almaty qalasy mádenıet basqarmasynyń basshysy Maılybaev Ǵanı Aıdaruly jáne QR Ulttyq kitaphanasynyń dırektory, Qazaqstandyq Kitaphanalyq odaq tóraıymy Ospanova Baqytjamal Qaıyrbekqyzy ashyp, Murat Muhtarulynyń elimizdiń rýhanı damýyna, qazaq halqynyń tarıhı-mádenı murasynyń saqtalýyna, jańǵyrýyna jáne zerdelenýine, ulttyq mádenıet pen ádebıettiń damýyna qosqan zor úlesin atap ótip, jyly lebizderin bildirdi.
Jıyn barysynda Aqtóbe oblysy ákiminiń orynbasary Eleýsinova Bulbul Oraqqyzy, Qazaqstannyń halyq jazýshysy, lıngvıs-zertteýshi, túrkitanýshy, belgili memleket jáne qoǵam qaıratkeri, dıplomat, «Nevada-Semeı» qozǵalysynyń kóshbasshysy, Mádenıetterdi jaqyndastyrý halyqaralyq ortalyǵynyń dırektory Súleımenov Oljas Omaruly jáne ózge de qoǵam qaıratkerleri sóz sóıledi.
Shara sońynda mereıtoı ıesi Áýezov Murat Muhtaruly qorytyndy sóz sóılep, Qanat Ámirhanov «Jas tulpar» uıymynyń ánuranyn shyrqady.
Kezdesý aıasynda QR Ulttyq kitaphanasy qorynan Murat Áýezovtiń qyzmeti men shyǵarmashylyǵyna arnalǵan «Ótkirdiń júzi» atty kitap kórmesi uıymdastyryldy.