Memlekettik ortalyq mýzeıiniń qorynda 271 974 qundy jádiger bar.
2022 jyly mýzeı qoryna 1316 zat qabyldanǵan, dep habarlaıdy Almaty-akshamy.kz mýzeıdiń baspasóz qyzmetine silteme jasap.
Eńsesi bıik rýhanıat ordasy - Memlekettik ortalyq mýzeıiniń qorynda 271 974 qundy jádiger bar. Negizgi qordaǵy sonaý tas dáýirinen bastap búgingi kúndi qamtıtyn 218 215 mýzeılik zattar men koleksıalar QR mýzeıleriniń ulttyq qorynyń quramyna engen.
Syı-tartýlar, jeke adamdardan satyp alý, sondaı-aq, arheologıalyq jáne etnografıalyq ekspedısıalar nátıjesinde tabylǵan zattar qordy tolyqtyrýda negizi túsim kózi bolyp tabylady. Qor-satyp alý (qor-irikteý) komısıasynyń sheshimimen 2022 jyly mýzeı qoryna 1316 zat qabyldandy. Onyń ishinde negizgi qorǵa - 1262 s.b., ǵylymı-kómekshi qorǵa - 54 s.b., ýaqytsha qorǵa – 1290 s.b. Bul, 2021 jylmen (518 saqtaý birlik, negizgi qor - 356, ǵylymı-kómekshi qor 135, ýaqytsha-27) salystyrǵanda, qabyldanǵan zattardyń eki ese, negizgi qordyń tórt ese kóbeıgendiginiń kórsetkishi.
2022 jyldyń 2 sáýirinen bastap mýzeı koleksıalarynyń bar-joǵyn qor tizimdemesi jáne saqtaýdyń materıaldyq jaýapkershilik aktileri boıynsha túgendeý jumystary júrgizilýde. Nátıjesinde 170 080 mýzeılik zat túgendelip, akt arqyly rásimdeldi.
Sonymen qatar, 24 naýryz - 21 sáýir aralyǵynda mýzeı kitaphanasynyń kitap qoryn týgendeý-tekserýdi júrgizý týraly komısıa músheleri kurylyp, túgendeý-tekserý jumystary júrgizildi. Búginde kitaphana qorynda 27443 dana ádebıet saqtalsa, onyń 23386 s.b. negizgi qorda.
Komısıa sheshimin negizge ala otyryp, qor bóliminiń mamandary jańa túsimderdi alǵashqy esepke alý, qorǵa qabyldaý, árbir zatqa jeke nómir berý, t.b. nusqaýlyqqa sáıkes jumystardy júrgizdi.
2022 jyly Ortalyq mýzeı Á.Marǵulan atyndaǵy Arheologıa ınstıtýtymen ornatylǵan memorandým negizinde mýzeı qoryna «Qarǵaly» kómbesinen tabylǵan altyn zattar qabyldandy. Osy oraıda mýzeı qoryn tolyqtyrýǵa atsalysqan Á.Marǵulan atyndaǵy Arheologıa ınstıtýtynyń dırektory Ahan Ońǵarulyna jáne «Qazaqstan halqynyń mádenıeti tas dáýiriniń qazirgi etnografıalyq dáýirge deıin arheologıalyq derekter boıynsha» atty joba aıasyndaǵy arheologıalyq qazba jumystaryn (joba jetekshisi B.Baıtanaev) júrgizgen arheologtarǵa alǵys aıtyp, rızashylyǵymyzdy bildiremiz.
Ótken jyly qorǵa túsken zattardyń qatarynda arheologıalyq oljalar, halqymyzdyń qolóneri men salt-dástúrin ádet ǵurpyn dáripteıtin zattar, ádebıetter, arhıv materıaldary, fotoqujattary jáne t.b.
ARHEOLOGIALYQ OLJALAR:
- Qarǵaly kómbesin zertteý barysynda tabylǵan arheologıalyq artefaktiler: 3 japsyrma, 12 shytyra, 1 jıekteýge arnalǵan tilik.
- Aqtóbe oblysynan ǵuryptyq ydys fragmentteri, at ábzelderiniń bólikteri, syrǵa fragmenti, jebe ushtary, teksheler (jazba fragmenti), adamnyń tómengi jaq súıegi, t.b.; Shyǵys Qazaqstan oblysy, Aıagóz aýdany, Aqtoǵaı aýylynan ońtústik-shyǵysqa qaraı 18 km jerde ornalasqan qaldyq qoımasyn salý jáne paıdalaný úshin bólingen aýmaqta ǵylymı-zertteý jumystaryn júrgizý kezinde alynǵan arheologıalyq oljalar.
- Almaty, Túrkistan, Jambyl oblysy, Shymkent qalasyna arnaıy uıymdastyrylǵan jáne «Uly dala taǵdyryndaǵy Altyn Orda jáne Shaǵataı memleketi nýmızmatıkalyq derekter boıynsha (XIII-XIV ǵǵ.)» granttyq qarjylandyrý jobasy aıasyndaǵy ekspedısıalar barysynda tabylǵan monetalar (XIII-XIV ǵǵ.).
KİTAPTAR. «HIH-HH ǵǵ. basyndaǵy qazaqtardyń mádenı qundylyqtary boıynsha mýzeılik derek kózderi: kitap isi, din, bilim» atty ǵylymı-qoldanbaly jobasy aıasynda Ózbekstan Respýblıkasy Tashkent qalasynan satyp alynyp, mýzeı kitaphanasyna ótkizildi.
BEINELEÝ ÓNERİ TÝYNDYLARY. Qaraqalpaqstannyń tanymal sýretshisi Najmatdın Shýkýrýllaevtyń «Aral qyrlarynda» kartınasy. «Aralboıy marjany» kórmesi aıasynda Qaraqalpaqstan Respýblıkasynyń tarıhy men mádenıeti memlekettik mýzeıinen syı.
TURMYSTYQ ZATTAR. Almaty, Jambyl, Shyǵys Qazaqstan oblysy turǵyndary tapsyrǵan zattar: keli-kelsap, alasha, urshyq, shymyldyq, tósekaıaqtar, túskeste, kórpeshe tystary, shı, túlki ishigi, ketpen;
BELGİLİ TULǴALARǴA TIESİLİ ZATTAR:
-Qoǵam qaıratkeri ekinshi dúnıejúzilik soǵys ardageri, «Katúsha» reaktıvti qondyrǵysynyń komandıri bolǵan Aqtan Tóleýbaevqa tıesili 3 fotokóshirme, halyq qaharmany R.Qoshqarbaevtyń Reıhstagqa tý tikkenin rastaıtyn qujat kóshirmesi, 4 kitap;
- Qazaq KSR halyq sýretshisi, kıno sýretshisi, qazaq keskindemeshisi Sahı Romanovtyń baldaǵy;
- Qazaq SSR Joǵarǵy keńesi Prezıdıýmynyń tóraǵasy A.Qazaqpaevtyń fotoalbomy;
- Keńestik memleket qaıratkeri, Qazaqstan Kompartıasy Ortalyq komıtetiniń birinshi hatshysy Jumabaı Shaıahmetovtyń maqalalary, jeke is qaǵazdary;
- halyq aqyny Úmbetáli Káribaevtyń sýretteri;
- «Ara-SHmel» jýrnalynyń bas sýretshisi N.Kazansevtiń jeke zattary: medal, kýálik, orden, sómke, qalamsaýyt, qylqalam, portret, kartına, saǵat, kózildirik.
- sýretshi, músinshi, oımashy jáne Qazaqstannyń Halyqaralyq jas jazýshylary jáne óner sheberleri asosıasıasynyń múshesi Ulzıra Málikqyzy jasaǵan Y.Altynsarınniń keýdege deıingi beınesi basylǵan kıiz buıym jáne t.b.
Qalyptasqan sqema boıynsha jańadan túsken eksponattar nómirlenip, shıfrlanyp qor saqtaýshy mamandarǵa materıaldyq-jaýapkershilik aktisi boıynsha berildi. Jańa qabyldanǵan túsimderge qordy esepke alý jáne saqtaý toptarynyń mamandary tarapynan ǵylymı-anyqtamalyq kartotekalar (taqyryptyq, zattyq, rettik, ataýlyq, jınaqtyq) toltyryldy. Eseptik merzimde barlyǵy 295 kartochka jazyldy.
2022 jyly mýzeı halyqaralyq kórmelermen birge, Astana, Almaty, Qaraǵandy qalalarynda jáne oqý oryndarynda uıymdastyrylǵan jyljymaly kórmelerge berilgen 400-ge jýyq eksponat kópshilik nazaryna usynyldy.
Ortalyq mýzeıdegi túrli sıpattaǵy bul koleksıalar Qazaqstannyń ótkeni men qazirgi tarıhy, mádenı murasy týraly jan-jaqty túsinik alýǵa múmkindik beredi. Rýhanı órisin keńeıtýge umtylǵan janǵa ǵasyrlar tańbasy qalǵan jádigerlerdiń sherter syry mol.