Qazirgi jaǵdaı bazalyq mólsherlemeni barynsha uzaq ýaqyt boıy ustap turýǵa májbúrlep otyr
Naýryz aıynan bastap jyldyq ınflásıa tómendeýi múmkin. Bul týraly Ulttyq bank tóraǵasy Ǵalymjan Pirmatov aıtty, dep habarlaıdy Almaty-akshamy.kz QazAqparatqa silteme jasap.
«Ulttyq bank táýelsiz aqsha-kredıt saıasatyn júrgizedi. Bazalyq mólsherlemeni tómendetýdi bastaý úshin ınflásıa men ınflásıalyq kútýler tómendeýiniń turaqty tendensıasyna qol jetkizýimiz qajet. Jańa shoktar bolmaǵan jaǵdaıda, jetistikterge jetkende, bazalyq mólsherlemeni tómendetýge kirese alamyz», - dedi ol elordada ótken brıfıń barysynda BAQ ókilderiniń saýalyna oraı.
Onyń naqtylaı túsýinshe, Ulttyq bank bazalyq mólsherlemeni kóterý sıklin aıaqtaýǵa jaqyn. Sonymen qatar ol ınflásıanyń qashan shyrqaý shegine jetip, odan keıin tómendeıtindigine qatysty saýalǵa da jaýap berdi.
«Jańa shoktar bolmaǵan jaǵdaıda, ınflásıanyń shyrqaý shegin birinshi toqsanda, naqtyraq aıtqanda, aqpanda bolady dep kútemiz. Bizdiń oıymyzsha, jyldyq eń joǵary ınflásıa tirkeletin bolady. Naýryzdan bastap jyldyq ınflásıanyń tómendeýin kútemiz. Qazirgi jaǵdaı bazalyq mólsherlemeni barynsha uzaq ýaqyt boıy ustap turýǵa májbúrlep otyr», - dedi Ǵalymjan Pirmatov.