Almatyda Qurmanǵazy kóshesi men Dostyq dańǵylynyń qıylysy boıynsha qozǵalys ýaqytsha jabylady
Almatyda Medeý aýdanyndaǵy kóshe qıylystarynyń biri boıynsha qozǵalys bir táýlikke shekteledi
2024 jylǵy 18 qyrkúıektiń saǵat 7:00 bastap 19 qyrkúıektiń saǵat 7:00 deıin Almaty qalasynyń Medeý aýdanynda Qurmanǵazy kóshesi men Dostyq dańǵylynyń qıylysynda avtokólikter úshin qozǵalys jabylady.
Atalǵan qıylys boıynsha qozǵalys eki jaqqa qaraı jabylady
Ýaqytsha shekteýler jalpy uzaqtyǵy 305 metrdi quraıtyn qubyrjoldy aýystyrý boıynsha jańǵyrtý jumystary júrgizilgen joldyń asfált-beton jabynyn qalpyna keltirý úshin engiziledi. Bul qubyrjol 5 kóppáterli turǵyn úıdi jáne taǵy 4 obektini jylýmen jáne ystyq sýmen qamtamasyz etedi.
Esterińizge sala keteıik, qozǵalystardy shekteýge qatysty aqparat Almaty.kz saıtynda, Telegram-arnada @AlmatyJoly, aýdandyq ákimder men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýdy jáne kórsetilgen aýmaqty aınalyp ótý joldaryn aldyn ala qarastyrýdy suraımyz.
«Almaty jylý júıesi» JSHS