Almaty polısıasy 32 mln teńgeden astam qarjyny jymqyrǵan alaıaqty ustady.
Ol áleýmettik jelide naýqas balalardyń sýretin jarıalap, azamattardan aqsha jınaǵan, dep habarlaıdy aqshamnews.kz Polisia.kz-ke silteme jasap.
Polısıa qyzmetkerleri Shymkent qalasynyń turǵynyn ustady. Ol Talǵar aýdanyndaǵy balalardyń emine qarajat jınaýǵa kómek kórsetý syltaýymen Instagram áleýmettik jelisinde paraqsha ashqan. – Alaıaq áleýmettik jelide onkologıalyq aýrýmen aýyratyn balalardyń sýretterin paıdalanyp, jalǵan bank kartasynyń derektemelerin ornalastyrǵany anyqtaldy. İzdeý jumystarynyń nátıjesinde biz kúdiktini, ıaǵnı Shymkent qalasynyń turǵynyn anyqtadyq. Qazir 32 mıllıon teńgeden astam somaǵa bastapqy shotqa 6 myńǵa jýyq aqsha aýdarymy jasalǵany anyqtaldy, – dep málimdeme berdi Almaty oblysy PD.
Alaıaqtyq faktisi boıynsha qylmystyq is qozǵaldy. Kúdikti qamaýǵa alyndy. Onyń osyǵan uqsas basqa da qylmysqa qatysy bar-joǵy tekserilip jatyr.
Aqparat kózi Polisia.kz saıtynda: https://polisia.kz/alayaq-nauqas-balalardyng-emine-zhinalghan-32-mln-tenggeni-qaltagha-basqan/