Mobıldi qosymshany Aqtóbe qalasyndaǵy Uzaqbaı Qulymbetov atyndaǵy №64 jalpy bilim beretin mekteptiń 7-synyp oqýshysy Danıal Qurmanǵalı jasap shyǵarǵan.
Ahmet Baıtursynuly týraly aqparattar ınternet keńistikte shashyrańqy ushyrasady. Jas talant sol ártúrli derekkózderdegi barlyq málimetterdi júıelep, yńǵaıly platformada usyný úshin mobıldi qosymshany jasap, Play Market ınternet dúkenine júktegen, dep habarlaıdy aqshamnews.kz.
Aqtóbe oblysy ákimdiginiń málimetinshe qosymshanyń bólimderinde ult ustazynyń ómirbaıany, shyǵarmalary, naqyl sózderi, óleńderi ǵylymı eńbekteri toptastyrylǵan jáne test bólimi de bar, test – paıdalanýshylarǵa bilimderin tekserýge múmkindik beredi. Qosymshanyń mazmuny – sýretter, beınejazbalar jáne syrtqy siltemeler arqyly da baıytylǵan.
«Maqsatym – qazaq tildi mobıldi qosymshalardy kóbeıtip, ana tilimizde sıfrlyq ónimder jasaýdyń mańyzdylyǵyn arttyrý», degen talantty oqýshy atalǵan jobasyn jetekshisi Erbol Medeýovpen birge júzege asyrǵan.
Danıal Qurmanǵalı aldaǵy ýaqytta basqa da uly tulǵalarǵa arnalǵan qosymshalar ázirleýdi josparyna alǵan.