6 maýsymnan bastap Almatyda JOO men kolej túlekterin, sondaı-aq jumyssyz jastardy jumysqa ornalastyrýǵa baǵyttalǵan mansap kúnderi bastaldy. Bul týraly Almaty qalasynyń Óńirlik komýnıkasıalar qyzmetiniń alańynda Jastar saıasaty basqarmasynyń jáne qalalyq mansap ortalyǵynyń ókilderi aıtyp berdi, dep habarlvıdy Almaty-akshamy.kz
Bos oryn jármeńkeleri bir aı kóleminde megapolıstiń barlyq aýdandarynda ótkiziledi.
«Oqý oryndarynyń, memlekettik qurylymdardyń jáne jumys berýshilerdiń jáne mansap ortalyqtarynyń kúsh-jigerin biriktirý jáne úılestirý úshin biz «Depo Evolution Park» jastar loft ortalyǵynyń bazasynda qalalyq Mansap ortalyǵyn qurdyq. Búgingi tańda Jastar saıasaty basqarmasy Almaly, Medeý jáne Naýryzbaı aýdandarynda 3 mansap kúnin ótkizdi», - dedi Jastar saıasaty basqarmasy basshysynyń orynbasary Ázız Qajdenbek.
400-den astam iri kompanıa jastarǵa 1,5 myńnan astam bos jumys ornyn usyndy. Osy is-sharalarǵa jumyssyz jastar, JOO, kolej jáne mektep túlekteri qatarynan 12 myńnan astam jas qatysty, sonyń nátıjesinde qazirgi ýaqytta 200-den astam jas jumysqa ornalasty.
«İs-sharalar barysynda biz Almaty qalasy Sıfrlandyrý basqarmasymen birlesip, Biryńǵaı komýnıkasıalyq keńistik sheńberinde qurylǵan «Jobfair 365» jyl boıy ótetin sıfrlyq bos oryndar jármeńkesin tanystyrdyq. Onyń negizgi mindeti - eńbek naryǵynyń barlyq qatysýshylary úshin tegin jáne qarapaıym qural bolý. Sonymen qatar, biz 4 ózekti mamandyq boıynsha: qyzmet kórsetý salasynda ,T-mamandyqtar boıynsha, qolóner mamandyqtary boıynsha jáne soft skils boıynsha jastarǵa arnalǵan qysqa merzimdi kýrstardy iske qostyq. Jańa daǵdylardy ıgerý jastarǵa perspektıvaly jáne qyzyqty mamandyqty tańdaýǵa, jumys tabýǵa, qoǵamdaǵy táýelsiz ómirge beıimdelýge jáne ózin-ózi júzege asyrýǵa múmkindik beredi», - dep bólisti spıker.
Spıkerdiń aıtýynsha, NEET jastarynyń úlesin azaıtýǵa jáne jumysqa ornalastyrýǵa erekshe kóńil bólinedi (aǵylsh. NEET – Not in Education, Employment or Training). Bıylǵy jyldyń I toqsanynda osy sanattaǵy jastardyń úlesi jastardyń jalpy sanynyń 8,3% -yn (53 myńnan astam jas) quraıdy.
Basqarmanyń málimetinshe, Almatyda 14-35 jas aralyǵyndaǵy 682 myń jas nemese turǵyndardyń jalpy sanynyń 32% - y turady. 255 myń stýdent qalanyń joǵary oqý oryndary men kolejderinde oqıdy. Aldyn ala derekter boıynsha bıyl JOO-lardy 42 myńǵa jýyq, al kolejderdi 20 myńǵa jýyq stýdent bitiredi.
«Bul rette, ótken jyldardaǵy tájirıbe boıynsha túlekterdiń 80%-y Almatyda jumys tabýǵa tyrysady, al bitirgennen keıingi birinshi jyl ishinde 10 myńǵa jýyǵy jumyssyzdar qatarynda bolady», - dep túıindedi Á.Qajdenbek.