2020 jylǵy 20 qazandaǵy №140/2020 buıryqqa sáıkes reanımasıa bóliminde gemotransfýzıa alǵan pasıentter 30 kúnnen keıin AITV-ınfeksıasyna baqylaý taldaýynan ótýge mindetti.
Almaty qalasy JITS ortalyǵynyń mamandary Almaty qalasynyń ortalyq qalalyq klınıkalyq aýrýhanasynda (OQKB) AITV oń mártebesi bar úsh jaǵdaıdy anyqtady, dep habarlaıdy Almaty-akshamy.kz
Anyqtalǵan faktiler negizinde qoǵamdyq densaýlyq saqtaý basqarmasynyń buıryǵymen 2023 jyldyń 2 maýsymynda DDU basshysynyń orynbasary men Almaty qalasy JITS ortalyǵynyń qyzmetkerleriniń tóraǵalyǵymen komısıa quryldy. Komısıa AITV-ınfeksıasynyń berilý kózderin anyqtaý boıynsha ishki tergeý júrgizdi, donorlar, medısına qyzmetkerleri jáne baılanysqan adamdar tekserildi.
Komısıa jumysynyń qorytyndysy boıynsha zerttelgenderdiń barlyǵyniki – teris nátıje.
Qazaqstan Respýblıkasy Densaýlyq saqtaý mınıstrliginiń 26.10.2020 j. №153 buıryǵy negizinde qoǵamdyq densaýlyq saqtaý basqarmasy aǵymdaǵy jyldyń 13 maýsymynda komısıanyń qorytyndysyn Almaty qalasynyń sanıtarlyq-epıdemıologıalyq baqylaý departamentine (SSEK) berdi.
2023 jyldyń 14 maýsymynda DSEG QR DSM Qazaq Dermatologıa jáne juqpaly aýrýlar ǵylymı ortalyǵynyń mamandaryn tarta otyryp, OQKB-ny jospardan tys tekserýge bastamashy boldy.
Tekserý nátıjeleri boıynsha ýákiletti organdar tıisti sharalar qabyldaıtyn bolady.