Abaıdaǵy órtke salǵyrttyq tanytqandardyń bári jaýap beredi.
Bas prokýrordyń orynbasary Jandos Ómirálıevtiń aıtýynsha, Ilın, Súleımenova, Uranhaev jáne Ahmetovten jaýap alynady, dep habarlaıdy Almaty-akshamy.kz
Bas prokýrordyń orynbasary Qylmystyq kodekstiń 292-babynyń 3-bóligimen ( "Abaısyzda eki nemese odan da kóp adamnyń ólimine ákep soqqan órt qaýipsizdigi talaptaryn buzý") qylmystyq is qozǵalǵanyn atap ótti. Prezıdent bul isti tergeýdi Bas prokýratýraǵa tapsyrǵan. Vedomstvonyń arnaıy qyzmeti tergeýdi bastap ketti, quramyna "barlyq quqyq qorǵaý organdarynyń eń tájirıbeli, bilikti tergeýshileri men jedel ýákilderi" engen vedomstvoaralyq tergeý-jedel toby quryldy. Top oqıǵa ornynda, ony Bas prokýrordyń bir orynbasary basqarady. İs Bas prokýrordyń jeke baqylaýynda.
"Sonymen birge qorshaǵan ortaǵa orasan zor zıan keltirgen bul qaıǵyly oqıǵanyń aýqymyn, eń negizgisi – 14 orman sharýashylyǵy qyzmetkeriniń qyzmettik mindetin atqarý kezinde qaza tabýyn eskere otyryp, biz de laýazymdy tulǵalardyń salǵyrttyǵy boıynsha qylmystyq is qozǵadyq. Al qazir bul eki isti Bas prokýratýra tergep jatyr. Osy qylmystyq isti tergeý aıasynda óz mindetterine atústi, jaýapsyz qaraǵan, sonyń saldarynan ózine júktelgen mindetti oryndamaýynan qaıǵyly jaǵdaıǵa jáne azamattarymyzdyń qaza tabýyna ákep soqtyrǵan barlyq laýazymdy tulǵa anyqtalady", - dedi Bas prokýrordyń orynbasary.
Bul rette Tótenshe jaǵdaılar mınıstrliginiń eks-basshysy Iýrıı Ilın, Ekologıa jáne tabıǵı resýrstar mınıstri Zýlfıa Súleımenova, Abaı oblysynyń ákimi Nurlan Uranhaev, Shyǵys Qazaqstan oblysynyń ákimi Danıal Ahmetov syndy sheneýnikterdiń áreketine áli eshqandaı baǵa berilgen joq.
"Biraq osy qylmystyq is aıasynda barlyq qatysy bar tulǵalar, laýazymdy tulǵalar, qyzmettik mindetterine qatysty tıisti sharalardy qoldanbaı, sonyń saldarynan aýqymdy órt pen adam ólimine ákep soqtyrǵandardyń bári sózsiz jaýapkershilikke tartylady. Qazir sheneýnikterdiń áreketi saralanǵan joq, tergeý endi bastaldy. Osy qylmystyq is aıasynda jaýapqa tartylatyn adamdardyń kóbi, munda tek basshy qyzmetkerler ǵana emes, orta býyn basshylary da bar, olar qazir órtti sóndirýge atsalysyp jatqanyn eskerdik. Bizdiń basty maqsatymyz – órtti sóndirý. Sondyqtan bul kúnderi biz olarda alańdatpaımyz, olardan mindetti túrde jaýap alynady. Tergeý merzimi - eki aı", dedi Jandos Ómiralıev.
Ol tergeýshilerdiń Abaı oblysy bólingenge deıin toǵyz jyl basqarǵan Shyǵys Qazaqstan oblysynyń ákimi Danıal Ahmetovke qoıatyn saýaly az ekenin aıtty.
"Ol "Semeı ormany" orman sharýashylyǵyn qadaǵalamaıdy, ol Ekologıa jáne tabıǵı resýrstar mınıstrligine qaraıdy. Sol kúnderi iske qosylýy kerek bolǵan qarjylandyrý, tıisti tehnıkamen qamtamasyz etý, kadr máselesi, taný júıeleriniń bar-joǵy, eskertýler jáne basqa da normatıvtik quqyqtyq aktiler sıaqty máseleler Ekologıa mınıstrliginiń quzyrynda. Ákimdikter materıaldyq-tehnıkalyq bazany qamtamasyz etýge qadaǵalamaıdy jáne jaýap bermeıdi. Bizde qazir bul faktiler boıynsha suraq joq (Danıal Ahmetovke – red.).Tergeý júrip jatyr", dedi ol.
Ol qazir basqa da tergeý áreketterine qosa, jedel-izdestirý sıpatyndaǵy áreketter de júrgizilip jatqanyn atap ótti. Jýrnalıserdiń "Bireý-mireýi qashyp ketken joq pa?" degen suraǵyna:
"Joq, joq, muny jasyryn tergeý áreketteri deýge bolady. Sheneýnikterden jaýap almas buryn, biz basqa jaıttardy anyqtap, birqataryn naqtylaýymyz kerek, basqa da baǵynyshty tulǵalardan jaýap alýymyz kerek. Osydan keıin suraqtardyń tolyq kólemi jınalǵan kezde, biz tergeýge qajet barlyq adamnan sózsiz jaýap alamyz", - dep jaýap berdi.