Kúdikti buryn da urlyq jasaǵany úshin isti bolǵan
Almatyda kólik urlap áketken adam qolǵa tústi, dep habarlaıdy Almaty-akshamy.kz qalalyq PD-ne silteme jasap.
Másele 31 jastaǵy O.esimdi azamattyń zańsyz áreketi týraly.
«Bizdiń bólimsheniń kezekshi bólimine Toyota Camry kóliginiń urlanǵany týraly aryz tústi. Qalanyń beınebaqylaý júıeleri arqyly kúdiktiniń júrip ótken jolyn anyqtaýǵa múmkindik týdy. Jarıalanǵan «Ustaý» jedel josparynyń nátıjesinde onyń joly kesildi: kólikti urlaǵan adam ustaldy. Ol óz isin moıyndady. Aıtpaqshy, ustalǵan azamat buryn da osyǵan uqsas qylmystary úshin birneshe ret sotty bolǵan. Qazirgi ýaqytta ustalǵan azamatqa qatysty QR QK-niń 188-baby 2-bóligi boıynsha qylmystyq is tergelýde. Qaskóı ýaqytsha ustaý ızolátoryna qamaldy», – dedi Alataý aýdandyq Polısıa basqarmasynyń bastyǵy İlıas Ómirserikov.
Onyń aıtýynsha, kólik urlyǵy aldyńǵy esikti buraǵyshpen ashý arqyly jasalǵan.
