Vıdeoda qolyna keńse pyshaǵyn ustaǵan ury aldymen kóshede turǵan kóliktiń esigin ashýǵa tyrysady
24 qańtarda Almatydaǵy "Kar Sıtı" bazary aýmaǵynda kólik urlap, jol apaty kezinde kózge túsken kúdikti ózine pyshaq jumsaǵan. Qalalyq polısıa qaskóıdiń orynsyz áreketi túsip qalǵan kólik ıesiniń vıdeosyn usyndy, dep habarlaıdy Almaty-akshamy.kz.
Vıdeoda qolyna keńse pyshaǵyn ustaǵan ury aldymen kóshede turǵan kóliktiń esigin ashýǵa tyrysady, biraq júrgizýshi esikti jaýyp alyp, oǵan múmkindik bermeıdi. Qashyp bara jatyp, ol izine túsýshige qarap qarnyn ashyp, pyshaqty jaqyndatady.
Negizinen, ol jol apaty ornynan qashqan. Ary qaraı ózgeniń kóligine otyryp, oǵan da keńse pyshaǵyn kórsetip, tez júrýdi suraıdy. Polısıa jasaǵy ony qýyp jetip, qolyndaǵy pyshaǵyn aldy. Alaıda ol óz-ózine birneshe ret sýyq qarýdy jumsap úlgergen.
Qazirgi ýaqytta, polısıanyń málimetinshe, ustalǵan adam medısınalyq mekemege ornalastyrylǵan.
Palatanyń janynda kúzet qoıyldy. QR QK-niń 200-baby, ıaǵnı "Urlaý maqsatynsyz avtokólikti nemese ózge de kólik quralyn zańsyz ıemdený" boıynsha qylmystyq is qozǵaldy.
Tıisti saraptamalar taǵaıyndaldy. İstiń mán-jaıy anyqtalý ústinde.