Almaty polısıasy avtoturaq erejesin buzǵandardy izdestirip jatyr
Úsh iri turǵyn úı keshenimen shektesetin Sátbaev kóshesinde maqsatty reıdter júrgizilip jatyr. Aıta keteıik, osy turǵyn úı keshenderiniń turǵyndarynan osy aýmaqta avtoturaq erejeleriniń buzylǵany týraly dabyldar kún saıyn túsedi.
– Bul eń iri shahardyń máselesi ekenin túsiný mańyzdy jáne biz ony ortaq kúsh-jiger arqyly, bylaısha aıtqanda, birlesip sheshýimiz kerek. Muny isteý qıyn emes ekenine senimdimin. Onyń ústine árqaısymyz kún saıyn jol qozǵalysy erejelerin buzý áreketterine kýá bolamyz. Árbir azamat beı-jaı qaramaýy kerek. Usaq zań buzýshylyqtarǵa kóz jumyp qalmaı, dereý polısıaǵa habarlaýyńyzdy suraımyz. Óz kezegimizde, quqyq buzýshylarǵa dereý shara qoldanylatyn habarlaımyz, – dedi Almaty qalasy PD JPQB patrúldik polısıa polkiniń rota komandıri Ánýar Baımuhanov.
Atalǵan aýmaqta júrgizilgen jergilikti reıdtiń bar-joǵy úsh saǵatynda 50-den astam kólik qoıý erejelerin buzý derekteri anyqtaldy. Quqyq buzýshylarǵa qatysty ákimshilik is materıaldary jınalyp, keıbir kólikter mamandandyrylǵan aıyppul turaǵyna qoıyldy.
– Jol-kólik oqıǵalaryn azaıtý jáne jol qaýipsizdiginiń aldyn alý maqsatynda qalada kólik quraldaryn turaqqa qoıý erejelerin buzý derekterin anyqtaýǵa baǵyttalǵan reıdtik is-sharalar júrgizilýde. Patrúldik polısıa qyzmetkerleri kún saıyn ótkizetin maqsatty reıdter qaladaǵy jol jaǵdaıyn turaqtandyrýǵa, jol-kólik oqıǵalaryn azaıtýǵa, júrgizýshiler arasyndaǵy tártipti jaqsartýǵa septigin tıgizedi, – dedi Ánýar Baımuhanov.