2013 jyly shıpajaı dırektory "Qazaqstan" shıpajaıdyń barlyq múlkin kepilge qoıyp, kiristi jasandy túrde arttyryp, ǵımarattardy jóndeýge 2,6 mıllıard teńge nesıe alǵan.
Almaty prokýrorlary «Qazaqstan» shıpajaıyn memleket menshigine qaıtardy, dep habarlaıdy Almaty-akshamy.kz
2021 jyly 700 mıllıon teńgeden astam qarjyny jymqyrǵany úshin dırektor men basqa da tulǵalar túrli merzimge bas bostandyǵynan aıyryldy.
Nesıe berý kezinde bank shıpajaıdyń tólem qabilettiligine taldaý júrgizbegeni anyqtaldy. Osyǵan qaramastan 2022 jyly sotpen jalpy 3 mlrd teńge qaryzdy óndirdi.
Almaty qalasy prokýratýrasynyń apelásıalyq shaǵymy boıynsha birinshi satydaǵy sottyń sheshimi ózgertilip, bul soma 1,8 mlrd teńgege deıin qysqartyldy.
Óz kezeginde Medeý aýdanynyń prokýratýrasy kepil shartynyń zańsyzdyǵy men jaramsyzdyǵyna baılanysty ony jaramsyz dep taný týraly sotqa júgindi.
«12.12.2023 j. prokýrordyń talap aryzy Almaty qalasy AMES-pen qanaǵattandyryldy. Osylaısha, prokýratýranyń sharalarymen quny 7 mıllıard teńgeden asatyn memlekettik sanatorıı zańsyz kepilden alynyp, onyń qaryzy 1,2 mıllıard teńgege qysqardy», delingen Almaty qalasynyń prokýratýrasy taratqan aqparatta.