Almatyda halyqty kene ensefalıtinen qorǵaýǵa baǵyttalǵan kenege qarsy aýqymdy is-sharalardy júrgizý jalǵasýda.
Bul týraly qalalyq dezınfeksıa ortalyǵynyń dırektory Aınýra Akkoshkarova óńirlik komýnıkasıalar qyzmetinde ótken baspasóz konferensıasynda málimdedi, dep habarlaıdy aqshamnews.kz.
«Almatynyń orman jáne qala saıabaqtaryndaǵy kene ensefalıtiniń tabıǵı oshaqtarynda jyl saıynǵy joıý is-sharalaryn ótkizý - negizgi epıdemıologıalyq is-sharalardyń biri», - dep atap ótti spıker.
Ol Almaty qalasy boıynsha sanıtarlyq-epıdemıologıalyq baqylaý departamentiniń 2025 jylǵy 18 naýryzdaǵy №59-Ó buıryǵyna sáıkes alǵashqy óńdeý 26 naýryzǵa josparlanǵanyn atap ótti. Alaıda jańbyr men ylǵaldylyqtyń joǵarylaýyna baılanysty jumystar keıinge qaldyrylyp, 31 naýryzda bastalǵan bolatyn.
Aınýra Akkoshkarova habarlaǵandaı, bıylǵy jyly eki óńdeý týry josparlanǵan. Dezınseksıalyq óńdeýge jatatyn jalpy aýdany 4 733,12 gektardy quraıdy. Bul is-sharalarǵa 144 152 000 teńge bólindi, al bir týrǵa 72 mıllıon teńge jumsalady.
Ol bıyl jańa «Sıpertrın» preparaty qoldanylatynyn da atap aıtty. Preparat gektaryna 0,75 lıtr tutyný normasymen 3 579,6 lıtr kóleminde satyp alyndy. Kenelerdiń táýeldiligin boldyrmaý úshin quraldar jyl saıyn jańartylyp otyrady: 2023 jyly «Favorıt V.K. E.», 2024 jyly «Delteks» qoldanyldy.
Spıker 14 sáýirdegi jaǵdaı boıynsha Alataý (2,93 ga), Almaly (46,7 ga), Áýezov (17,97 ga), Jetisý (50,05 ga), Naýryzbaı (9,71 ga), Bostandyq (156 ga) aýdandarynda óńdeý aıaqtalǵanyn habarlady.
Jumys Túrksib (19,9 ga), Medeý (31,99 ga) aýdandarynda, sondaı-aq Medeý (115,5 ga) jáne Bostandyq (140,3 ga) aýdandarynyń orman alqaptarynda jalǵasýda. Qazirdiń ózinde óńdelgen jalpy alań - 591,064 ga.
«Jumystar arnaıy daıyndyqtan ótken dezınstrýktorlar men dezınfektorlar tarapynan júrgizilýde. Barlyq mamandar turaqty túrde nusqaýlyqtan ótip, qajetti jabdyqtarmen tolyq qamtamasyz etilgen», – dep atap ótti ortalyq dırektory.
Onyń aıtýynsha, búginde ortalyqtyń qaramaǵynda ystyq jáne sýyq tuman termogeneratorlarymen, gıdropýlttermen, «Fazenda» búrikkishterimen, sondaı-aq avtokóliktermen jabdyqtalǵan eki mobıldi brıgada bar. 2025 jyly úsh jańa jabdyq, al 5 myńnan astam jeke qorǵanys quraldary satyp alyndy.