Qazírgí tańda qorshaǵan ortanyń tazalyǵy – adamzat aldyndaǵy eń ózektí máselelerdíń bírí. Ásírese, jastardyń tabıǵatty ayalauǵa, tazalyq saqtauǵa degen kózqarasyn qalyptastyru – bílím beru mekemeleríníń basty míndetteríníń bírí bolyp tabylady. Osy oraıda, kolledj aulasyndaǵy tazalyqtyń saqtaluy – tek oqu ornynyń ǵana emes, búkíl qoǵamnyń mádenı deńgeıín kórsetedí.
Kolledj – tek bílím beretín orda ǵana emes, sonymen qatar jas ūrpaqty tárbıeleu, jauapkershílíkke baulu alańy. Aula tazalyǵy – tártíp pen ūqyptylyqtyń, ekologıyalyq mádenıettíń aıqyn kórínísí. Taza, jaıqalǵan kógal men kútílgen aula – studentterge jaıly orta ǵana emes, olardyń oqu úlgerímíne, kóńíl-kúıíne de oń áser etedí.
Sondyqtan Prıntmedıa tehnologıyalar kolledjíníń ūjymy men studentterí bíríge otyryp, senbílík jūmystaryn jıí ūıymdastyryp otyramyz. Mūndaı sharalar – bír jaǵynan tazalyqty saqtauǵa baǵyttalsa, ekínshí jaǵynan bírlík pen ūıymshyldyqty arttyrady.
Oqu jyly bastalǵanda jataqhanada tūratyn studenttermen bírge Sypataı kóshesín tazalau aktsıyasyn ūıymdastyrdyq. Būl ís-shara jastardy tabıǵatty ayalauǵa, tazalyqty saqtauǵa shaqyryp qana qoımaı, olardyń ekologıyalyq sanasyn arttyruǵa baǵyttaldy. Mūndaı ekologıyalyq sharalar jastardyń qoǵam aldyndaǵy jauapkershílígín arttyryp, qorshaǵan ortany qorǵauǵa degen qyzyǵushylyǵyn oyatady.
Sonymen qatar, osy ís-shara ayasynda qorshaǵan ortany qorǵau boıynsha qysqasha lektsıyalar oqylyp, qatysushylarǵa ekologıyalyq máselelerdíń mańyzdylyǵy túsíndíríldí. Studentter ekologıyalyq mádenıettí qalyptastyru joldary turaly píkír almasyp, plastık qaldyqtaryn dūrys sūryptau men qaıta óńdeu boıynsha aqparat aldy.
«Taza Qazaqstan» eko aktsıyasy ayasynda kolledj eríktílerímen bírge jalpy qalalyq senbílík jasap, Almaly audany ákímdígímen bírge Prokofeva kóshesínde ornalasqan sayabaqta 50 būtaq alma aǵashy men shaǵan aǵashtaryn otyrǵyzuǵa at salystyq. Būl ıgí ís-sharaǵa studentter belsendí qatysyp, tabıǵatqa degen súıíspenshílíkterín íspen dáleldedí. Aǵash otyrǵyzu arqyly bíz tek qorshaǵan ortany kógaldandyryp qana qoımaı, bolashaq ūrpaqqa taza árí jasyl qala qaldyruǵa óz úlesímízdí qosyp jatyrmyz. Sonymen qatar, senbílík barysynda sayabaq aumaǵy qoqystan tazartylyp, demalushylar úshín qolaıly jaǵdaı jasaldy.
23-nauryz «Tazaru kúní» ayasynda tabıǵatqa qamqorlyq jasap, qorshaǵan ortany taza ūstauǵa óz úlesímízdí qostyq. Qaldyqtardy sūryptap, aulalardy, kóshelerdí tazalap, aǵash túpterín áktep, tabıǵatqa degen súıíspenshílígímízdí bíldírdík. Būl shara – tek bír kúndík tazalyq aktsıyasy ǵana emes, būl – tabıǵatqa degen jauapkershílík pen janashyrlyqtyń kórínísí. Osy ıgí ístí jalǵastyru maqsatynda bíz tūrǵyndardy ekologıyalyq mádenıettí arttyruǵa shaqyramyz.
Árbír adamnyń kúndelíktí ómírde qaldyqtardy dūrys sūryptap, aınalany taza ūstauy – úlken ózgerísterdíń bastamasy bola alady. Sonymen qatar, kóshetter otyrǵyzu, jasyl jelektí kóbeıtu – bolashaq ūrpaqqa taza árí kórkem tabıǵat syılaudyń jarqyn úlgísí.
Bíz būl ıgí ístí dástúrge aınaldyrudy kózdeımíz. Tabıǵatty ayalau – óz bolashaǵymyzdy qorǵau ekenín ūmytpaımyz!
Nauryz merekesínen keıín kolledj aulasyn tazalau jūmystary ary qaraı jandana tústí. Senbílík jūmystary aı saıyn jalǵasyn taba bermek.
Tazalyqqa jauapty toptar ár senbí saıyn kolledj aumaǵyn kúl-qoqystan tazartyp, gúlzarlardy retke keltírude. Studentter men oqytushylar būl ıgí íske belsene atsalysyp, aulaǵa tal egíp, qorshaǵan ortanyń kórkeıuíne óz úlesterín qosuda.
Kolledj ákímshílígí tazalyq jūmystaryna belsendílík tanytqan qatysushylardy alǵys hattarmen jáne yntalandyru syılyqtarymen marapattap otyrudy josparlap otyr. Būl bastama jastardyń ekologıyalyq mádenıetín qalyptastyruda jáne qoǵamdyq belsendílígín arttyruda mańyzdy ról atqarady.
Aldaǵy uaqytta senbílíkter ayasynda aǵash otyrǵyzu, gúl otyrǵyzu, kógaldandyru jáne qaıta óńdeuge jaramdy qaldyqtardy jınau sıyaqty túrlí ekologıyalyq aktsıyalar ūıymdastyrylmaq.
Bírlese atqarylǵan būl jūmystar – taza árí jaıly oqu ordasyn qalyptastyru jolyndaǵy úlken qadam.
Tabıǵatty ayalau, qorshaǵan ortaǵa janashyrlyqpen qarau – bízdíń azamattyq boryshymyz. Endeshe, árqaısymyz kolledj aulasyn taza ūstap, ózgelerge úlgí bolaıyq. Sebebí, "Tazalyq – tártíptíń aınasy", al taza orta – jarqyn bolashaqtyń kepílí!
Shúlenbaeva Jūldyz Kenjemūratqyzy
Pedagog zertteushí
Arnaıy pán oqytushysy
KMQK «Prıntmedıa tehnologıyalar kolledjí»
(Almaty, Qazaqstan)
