Almatyda aýmaqtardy kenelerge qarsy óńdeýdiń birinshi kezeńi bastaldy – onyń aıasynda 2300 gektardan astam saıabaq, skver jáne orman alqaptary qamtylady.
Atalǵan jumystar sanıtarıalyq-epıdemıologıalyq baqylaý departamentiniń 2025 jylǵy 18 naýryzdaǵy №59-ó buıryǵyna sáıkes júrgizilýde, dep habarlaıdy aqshamnews.kz.
Bul týraly Almaty qalalyq sanıtarıalyq-epıdemıologıalyq baqylaý departamenti basshysynyń orynbasary Ásel Qalyqova óńirlik komýnıkasıalar qyzmetinde ótken baspasóz konferensıasynda habarlady.
«Óńdeýge jatatyn obektiler – jalpy aýdany 1764,9 gektar bolatyn 8 orman massıvi jáne 601,6 gektar aýdandy qamtıtyn 101 qalalyq saıabaq pen alań. Dezınfeksıa ortalyǵynyń mamandary bizdiń baqylaýymyzda óńdeý jumystaryn júrgizýde, biz ár kezeńde tıimdilikti qadaǵalap otyramyz», — dedi spıker.
Onyń aıtýynsha, kenelerge qarsy baqylaý entomologıalyq ádistermen de júrgiziledi. Epıdemıa maýsymynyń basynda mamandar adamdardan jınalǵan 34 kene úlgisin zerttedi. Bir úlgide keneli ensefalıt antıgeni tabyldy. Shaǵý oqıǵasy Almaty oblysynda bolǵany anyqtaldy.
«Aldyn alý sharalary retinde biz almatylyqtardy jabyq kıim kıip, repellentterdi qoldanýǵa, tabıǵatta serýendengennen keıin ózderin jáne jeke zattaryn muqıat tekserýge keńes beremiz. Kene shaqqannan keıin tórt kúnnen keshiktirmeı medısınalyq kómekke júginý mańyzdy», — dep atap ótti Qalyqova.
Sondaı-aq, ol qalada qosymsha vaksınasıa bar ekenin aıtty. Densaýlyq saqtaý basqarmasynyń qoımasynda belgıalyq TicoVac vaksınasynyń 11 447 dozasy bar. Bastapqy kýrs úsh dozadan turady, biraq qysta egýge úlgermegender úshin shuǵyl sqema qarastyrylǵan.