Almaty Qalalyq mobıldilik basqarmasy apattyq jaǵdaılardyń aldyn alý men jolaýshylardyń qaýipsizdigin qamtamasyz etý maqsatynda 9 qańtardan bastap №59, №113 "Almatyelektrotrans" JSHS marshrýttarynyń syzbalary ózgertiletinin málimdedi, dep habarlaıdy Almaty-akshamy.kz.
Endi olar Qulja traktimen SHAAJ-qa qaraı júrip bara jatqanda Rysqulov dańǵylyna shyqpaı, kópirdiń ústimen júrip ótetin bolady.
Sonymen qatar 10 qańtardan bastap № 53 marshrýttyń sońǵy aıaldamasy ózgertiledi.
Endi ol Kemertoǵan aýylyna deıin júrip, Mektep aıaldamasynan burylady da, keri qaraı syzbasy boıynsha qozǵalady. Marshrýtta 8 avtobýstyń ornyna 11 jańa jyljymaly birlik qyzmet kórsetetin bolady.
