Almatynyń Óńirlik komýnıkasıalar qyzmetiniń alańynda Almaty qalasynyń Bilim basqarmasynyń basshysy Saıran Saıfedenov «Jaıly mektep» ulttyq jobasyn iske asyrý aıasynda qalada 36,8 myń orynǵa shaqtalǵan 22 mektep salý josparlanǵanyn aıtty, dep habarlaıdy aqshamnews.kz.
Aǵymdaǵy jyldyń sońyna deıin 32,8 myń oryndyq 20 mekteptiń qurylysyn aıaqtap, paıdalanýǵa berý josparlanýda. 4 myń orynǵa eseptelgen qalǵan eki mektep 2025 jyly aıaqtalyp, ashylady.
«Samruk-Kazyna Construction» AQ arqyly júrgizilip jatqan 23 100 oryndyq 13 mekteptiń qurylysyna erekshe nazar aýdarylady. Olardyń ishinde 2024 jyldyń 1 qyrkúıegine deıin «Dial-Stroy» shaǵyn aýdanynda 600 oryndyq mektep paıdalanýǵa beriledi. 2024 jyldyń qazan aıynda «Terekti» shaǵyn aýdanynda 2000 oryndyq mektep ashý josparlanýda», - dedi basqarma basshysy.
2024 jyldyń qarashasynda 4500 oryndyq úsh mektep: Rozybakıev-Levıtan kóshesi boıyndaǵy mektep, Raıymbek dańǵyly boıyndaǵy «Nurly Dala» TK aýdanyndaǵy jáne Aqbulaq shaǵyn aýdanyndaǵy № 154 mektep qurylystary aıaqtalady dep kútilýde.
2024 jyldyń sońyna deıin 15 myń oryndyq 8 mekteptiń qurylys aıaqtaý josparlanýda. Olardyń arasynda «Qarasý», «Samǵaý», «Shuǵyla», «Quramys» shaǵyn aýdandary, sonymen qatar, Egizbaev, Sábdenov kóshelerindegi jáne basqalary bar.
Sonymen qatar, 11 700 orynǵa eseptelgen 8 mektep qurylysyn jeke ınvestorlar júrgizýde. Búgingi tańda Shuǵyla shaǵyn aýdanynda 1200 oryndyq bir mekteptiń qurylysy aıaqtaldy. «Alǵabas» shaǵyn aýdanynda 2 myń oryndyq mektep salý memlekettik jekeshe áriptestik sheńberinde josparlanýda, bul joba boıynsha jumystar 2024 jyldyń qazan aıynda bastalady. Qurylys 2025 jyldyń jeltoqsanynda aıaqtalady dep kútilýde.
Aǵymdaǵy jóndeý aıasynda, 2024 jyly 180 memlekettik mektepke jóndeý jumystaryn jasaý josparlanǵan. Aǵymdaǵy jyldyń 19 tamyzyndaǵy jaǵdaı boıynsha 169 mektepte jóndeý jumystary aıaqtaldy, qalǵan 11 mektepte jóndeý jumystaryn 25 tamyzǵa deıin aıaqtaý josparlanýda.
«Qazirgi tańda qaladaǵy 13 memlekettik mektepte kúrdeli jóndeý jumystary júrgizilýde. Onyń ishinde 4 mektepte jóndeý jumystary aıaqtaldy, al qalǵandarynda 2025 jyly aıaqtaý josparlanǵan. Ókinishke qaraı, úsh problemalyq nysan bar, onda jumystar keshiktirilip, jóndeý jumystary josparlanǵan merzimnen keıin aıaqtalady dep kútilýde. Olardyń ishinde 2023 jyldyń aqpan aıynda bastalǵan №9 mektep jáne 2023 jyldyń qyrkúıeginde rekonstrýksıa bastalǵan №59 mektep bar» - dep atap ótti S.Saıfedenov.
Sondaı-aq, jergilikti búdjet esebinen árqaısysy 550 oryndyq eki mekteptiń qurylysy júrgizilýde. Olardyń birin 2024 jyldyń qyrkúıek aıynyń sońyna qaraı «Saıaly-2» shaǵyn aýdanynda aıaqtaý josparlanýda. Ekinshi mektep «Zerdeli» shaǵyn aýdanynda salynýda.