Almatyda 2024 jyly kolejderde 5 jańa quzyret ortalyǵyn ashý josparlanýda
Óńirlik komýnıkasıalar qyzmetiniń alańynda ótken brıfıńke qatysqan Almaty qalasy bilim basqarmasynyń basshysy Saıran Saıfedenov 2024 jylǵa arnalǵan tehnıkalyq jáne kásiptik bilim berý júıesiniń qazirgi jaǵdaıy men perspektıvalary týraly habarlady, dep habarlaıdy aqshamnews.kz
Almatyda 89 kolej jumys isteıdi, onyń 23-i memlekettik, 66-sy jekemenshik. 2023-2024 oqý jylynda kolejderge 84 613 stýdent qabyldandy, onyń ishinde memlekettik kolejderde 32%-y, jekemenshik kolejderde 68%-y oqıdy.
Saıfedenov kadrlardy daıarlaý ekonomıkanyń kelesideı mańyzdy salalaryna arnalǵan 131 mamandyq jáne 220 biliktilik boıynsha júzege asyrylady: qurylys, kólik, aýyl sharýashylyǵy, energetıka, qyzmet kórsetý salasy, bilim berý, densaýlyq saqtaý jáne basqalary. Búgingi tańda kolejderge oqýǵa 24 866 talapkerden qujat qabyldandy, onyń 17 000-y búdjettik oryndarǵa,
Bıylǵy jyly memlekettik bilim berý tapsyrysy 17 myń orynǵa bólindi, bul ótken jylmen salystyrǵanda 530 orynǵa artqan. Memlekettik kolejderde ashylǵan toǵyz quzyret ortalyǵynda stýdentter WorldSkills standarttary boıynsha ózekti bilim men daǵdylardy alatyn bolady. 2024 jyly WorldSkills standarttary boıynsha mamandardy daıarlaý jáne kásiptik oqytý sapasyn arttyrýǵa múmkindik beretin taǵy 5 quzyrettilik ortalyǵyn ashý josparlanýda.
Saıfedenovtyń aıtýynsha, 2023 jyly kolejderdi 20191 maman bitirgen, onyń 65% - y jumysqa ornalasqan. 2024 jyly 24 168 bilikti kadr, onyń ishinde 11 myńnan astamy memlekettik tapsyrys boıynsha shyǵarylady dep kútilýde.