Almatyda búgin, Raıymbek dańǵylynyń boıynda úsh avtobýs pen jeńil kóliktiń qatysýymen iri jol apaty boldy, dep habarlaıdy almaty-akshamy.kz.
Kýágerlerdiń sózine sensek, birinshi avtobýstyń júrgizýshisi tejegishti birden basqan. Artynda kele jatqan avtobýstyń júrgizýshisi mundaı jaǵdaıdy kútpegen bolýy kerek, tejegishti basyp úlgermeı aldyńǵy avtobýstyń artynan soqqan. Úshinshi kele jatqan avtobýstyń júrgizýshisi kóligin shalt buryp, soqtyǵysqan kólikterden aınalyp ótpek bolǵan. Biraq, janynda ketip bara jatqan jeńil kólikti soǵady. Osylaısha jol-kólik oqıǵasy oryn alǵan.
Kýágerdiń aıtýynsha, birneshe adam zardap shekken. Jolaýshylardyń biriniń aıaǵy synǵan.
Oqıǵa ornyna polısıa men dárigerler kelip úlgerdi. Aldyn ala málimet boıynsha, 15 adam zardap shekken.
