Tárbıe – urpaqty bıik muratqa jeteleıtin sapaly bilimniń tuǵyry. Ulttyq qundylyqtarmen sýsyndap ósken urpaq ulaǵatty bolady. Qazirgi tańda bolashaq urpaqty ar-namys pen adaldyq, patrıotızm, jaýapkershilik pen ádeptilik, meıirimdilik pen súıispenshilik, úlkenge izet pen kishige qurmet sıaqty qasıetterge ıe shyǵarmashyl azamatty tárbıeleý mańyzdy bolýda.
Qazaqstannyń bilim berý uıymdarynda 2023-2025 jyldarǵa arnalǵan «Birtutas tárbıe baǵdarlamasy» engizilýi jas urpaqtyń boıyna adamı qundylyqtardy sińirý maqsatyna jetýdiń tıimdi quraldarynyń birine aınaldy. Bul baǵdarlama jalpy adamzattyq jáne ulttyq qundylyqtardy boıyna sińirgen eńbekqor, adal, sanaly, jasampaz azamatty tárbıeleý maqsatynda qurylǵan. Ulttyq múdde, ar-uıat, talap baǵyttaryna negizdelip jasalǵan bul qujat adamı qundylyqtarǵa negizdelgen. Endeshe, oqý-tárbıe prosesin tıimdi uıymdastyrý, balalardyń boıyna adamı qundylyqtardy sińirý, mektep pen otbasynyń ózara baılanysyn nyǵaıtý óte mańyzdy da ózekti bolyp otyr.
Jas urpaqty jalpy adamzattyq jáne ulttyq qundylyqtardy boıyna sińirý maqsatynda Almaty qalasy, Jetisý aýdanyna qarasty №177 jalpy bilim beretin mektepte «Ulttyq múde», «Ar-uıat», «Talap» atty ulttyq qundylyqtardy negizge ala otyryp, «Ákege qarap, ul óser» atty otbasylyq ákeler saıysy ótildi. Áke men bala arasyndaǵy otbasy qundylyǵyn arttyrý maqsatynda bolǵan ákeler saıysy joǵary deńgeıde ótilip, kórermender men ata -analardyń jyly yqylysyna bólengen is shara boldy7
Atalǵan otbasylyq is sharaǵa Jetisý aýdanynyń bilim berý uıymynyń ádiskeri Naımangeldıeva Gúlsharat Qoıshybaıqyzy, "Qanat" óner - bilim ortalyǵynyń dırektory - Ámirhanov Qanat Qýanyshuly, «Almaty daryny» daryndy balalar men talantty jastardy anyqtaý jáne qoldaý ortalyǵynyń mamany – Venera Ǵalymqyzy, Jetisý aýdany №9 oqýshylar úıiniń ádiskeri - Aldakeev Dúısenbaı Soltanovıch jáne osy atalǵan mektebimizdiń tarıh páni muǵalimi - Isaev Nurlybek Qojabaıuly qatysyp, ádilqazylyq jasady. Otbasylyq ákeler saıysynda sóz alǵan mektep dırektory Tursyn Tanatuly: «Bala tárbıesi – búkil qoǵamnyń mindeti. Ata-ananyń ósıetin tyńdaýǵa, otbasy tatýlyǵy men berekesin qadirleýge, perzenttik paryzyn óteýge tárbıeleý búgingi kúnniń ózekti máselesi»,- deı otyryp, qazirgi ýaqytta úlken máselege aınalǵan áke men bala arasyndaǵy otbasy qundylyǵyn arttyrý qajet ekenin jáne bul óner saıysynyń joǵary dárejede ótýi, áke men bala arasyndaǵy súıispenshilik pen otbasy qundylyǵyn arttyrýyna dáneker bolatynyn aıtyp ótti.
Saıystyń bastalýy Respýblıkalyq, halyqaralyq aıtystardyń júldegeri, aqyn - Ǵalym Erkinbektiń jyr arnaýynan bastalyp, mektebimizdiń «Sholpan» bı tobynyń myń buralǵan bıi men bastaýysh synyptan quralǵan«Nazqońyr» hory jáne «Kókjıek» ulttyq orkestriniń oryndaǵan óner týyndylarynan bastaý aldy. Ulttyq naqyshta kıingen kórermen oqýshylar da, ata-analar da búgingi saıystyń ereksheligin de túsingen sıaqty.
Jalpy saıys «Ádebi jaqsynyń - sálemi jaqsy» taqyrypta vıdeorolık arqyly tanystyrý, «Ónerlige óris keń» taqyrypta óner kórsetý, «Ata mura- asyl qazynań» atty qamshy órý, «Oıly bolsań ozyp kór» atty salt- dástúr, ádet- ǵuryp, yrym-tıymǵa baılanysty suraqtarǵa jaýap berý jáne «Ata kórgen oq jonar» atty ulttyq naqyshtaǵy qolóner buıymyn jasap kelý boıynsha bes kezeńnen turdy. Saıystyń ár kezeńinde ákeler men uldardyń úlken jaýapkershilikpen oryndaǵan árbir ónerleri kórermenderdi súısindirdi. Ásirese, óner saıysy kezinde «Abaı joly» romanyndaǵy Qunanbaıdyń Abaıǵa aıtqan úsh minin sahanaǵa somdap shyqqan 9 synyp oqýshysy Kóshimhan Eraly men ákesi Asylbaev Almastyń áke men bala arasyndaǵy áńgimeden Abaıdyń azamattyq tulǵasyn kórermender birden uǵyp, erekshe qoshemet kórsetti. Sondaı- aq, ulttyq qolóner sheberi kezinde de saıyskerlerdiń eńbekqorlyǵy men shydamdylyǵyn, eptiligi men shapshańdyǵyn baıqatqan «Qamshy órý» saıysy da erekshe boldy. «Jigitke jeti óner de az» degendeı, ákeler men uldardyń erekshe salmaqty sóz saptary da kóńilge qonymdy boldy. Tanymdyq suraqtardy da múdirmeı aıtyp ótti. Úı tapsyrmasy boıynsha berilgen qolónerleri de sapaly, erekshe sheberlikpen jasalǵan. Ádilqazy músheleri, ásirese, qólóner buıymdardyń erekshe sheberlikpen jasalaǵan eńbekterin baǵalap, syn-pikirlerdi de aıtyp úlgerdi.
Otbasylyq baıqaýda saıyskerler «Segiz qyrly bir syrly áke», «Úlgili áke», «Sheber áke», «Ónerli áke», «Talantty áke», «Ónegeli áke» jáne «Shyǵarmashyl áke» atty nomınasıalarmen marapattaldy.
Saıystyń nátıjesi boıynsha «Bas júldeni» 9 «Á» synyp oqýshysy Kóshimhan Eraly Almasuly men ákesi Asylbaev Almas Koshimhanuly, 1- oryndy Smaǵulov Farhat pen 9 «V» synyp oqýshysy Malek Nurkeldi, 2- oryndy Abdramanov Nurqulan Asanuly men 11 «V» synyp oqýshysy Asan Bekaman Nurqulanuly, 2- oryndy Almatov Qanat Zkrıauly men 8 «D» synyp oqýshysy Zákárıa Nuralı Qanatuly, júldeli 3- oryndy Nurtaev Alpamys pen 8 «B» synyp oqýshysy Jakeev Alıjan, 3 - oryn Jubanyshov Ábdimálik Jubatqanuly men 8 «G» synyp oqýshysy Jubatqan Abaı Ábdimálikuly, Jarken Berik pen 11 «B» synyp oqýshysy Berikuly Semser 3 - oryn jeńimpazdary atandy. Otbasylyq ákeler saıysynyń jeńimpazdaryn maqtaý qaǵazdarymen marapattalyp, baǵaly syılyqtar berildi jáne estelikke sýretke tústi.
Iá, «Atadan ul týsa ıgi edi, ata jolyn qýsa ıgi», «Jaqsy ul - eldiń týy» dep halqymyz aıtqandaı, rýhy bıik, ar men uıatty baǵalaıtyn, ózine talap qoıa biletin, ulttyq múddeni nasıhattaıyn er - azamattar kóp bolsyn!
