2025 jylǵy 18 tamyz kúni Almaty qalasynda «Aýyl» partıasynyń óńirlik fılıaly men Alataý aýdanynyń «Mansap jastar ortalyǵy» ózara qol qoıǵan memorandým aıasynda «Zań jáne Tártip» taqyrybynda kezdesý ótti. Sharaǵa aýdannyń jastar qaýymy men bilim berý basqarmasynyń qyzmetkerleri qatysty.
Kezdesýge Almaty qalasy Polısıa departamenti Esirtki qylmysyna qarsy is-qımyl basqarmasynyń asa mańyzdy ister jónindegi aǵa jedel ýákili, polısıa podpolkovnıgi Dáýren Asqaruly Kóbeev pen Alataý aýdany Patrúldik polısıa qyzmetiniń bastyǵynyń orynbasary, polısıa maıory Shyńǵys Janbolatuly Nýrseıtov shaqyrylyp, jastarǵa zańǵa baǵyný men tártiptiń mańyzy týraly dáris oqydy.
Jobanyń negizgi maqsattary:
-
Zań men tártiptiń qoǵamdaǵy róli men mańyzyn túsindirý;
-
Jastar arasyndaǵy qylmystardyń aldyn alý;
-
Nashaqorlyqtyń zıany týraly keńinen aqparat berý.
Kezdesý qorytyndysynda «Aýyl» partıasynyń óńirlik fılıaly men quqyq qorǵaý organdary jastar shoǵyrlanǵan mekemeler men oqý oryndarynda júıeli túrde osyndaı dárister ótkizý jóninde ýaǵdalasty.